حلقة جديدة من البودكاست بنحكي فيها عن تفاعل رغباتنا وطاقاتنا الجنسية مع صورتنا عن نفسنا وجسدنا، كأشخاص متعايشين/ات مع أمراض مزمنة، جسدية أو نفسية، خصوصي مع وضع البلد يلي بيصعب علينا بعد أكتر الوصول للخدمات الصحية يلي ممكن تخفف عن أوضاعنا.

العالم ما بتصدق أو ما بتآخد تعايشنا مع مرض أو إعاقة بشكل جدي إذا ما كان "واضح على شكلنا." بيصير لازم نضل عم نأكد على وضعنا الصحي لأنه بيضل عم يتسخف أو يتصغر.

لتعتبر الوحدة مننا مرغوبة أو صالحة للأمومة أو الزواج، بينشاف وضعها الصحي كنقص. هالفكرة بتجي مع معايير معينة لشو لازم يصير بعلاقاتنا الجنسية وبالأدوار الجندرية الواقعة على النساء والقيمة الاجتماعية المحطوطة على معايير الجمال يلي بتمييز ضد ذوي الإعاقات والأمراض