https://soundcloud.com/faslehpodcast/losinghymens

عايدة: أهلا وسهلا فيكم بحلقة جديدة من بودكاست فاصلة لمشروع الألف معكن عايدة كالعادة واليوم معي ورد، سيلينا، جنى، ليلى، زوزو، هالحلقة من بودكاست فاصلة رح تكون الأولى من أصل سلسلة من الحلقات الي رح تكون تحت عنوان أخد القرار ل، وهالحلقات رح يكونوا عم يركزوا على أمور وخيارات وقرارات مختلفة بدا شويّة تفكير، أو كتير تفكير لناخدا بسبب توقعات مجتمعيّة مختلفة وعلاقتنا مع الآخرين بالمجتمع وكمان الدور يلي بيرسموا المجتمع لإلنا بشكل عام كنساء وأشخاص غير نمطيين، ورح يكون في عناوين مختلفة، متل القرار لقصّ شعرنا لأوّل مرّة، القرار لنمارس جنس غير نمطي، نعمل إجهاض، القرار لنخلّي شعرنا على أجسادنا.. واليوم رح نبلّش بقرار هيك يعني منرمي فتّيش.. آه.. كالعادة ليلى بتعمل الأصوات.. مؤثرات صوتيّة

ضحك ،

اليوم رح نبلّش بقرار، هيكي، أمم كتير حسّاس بالمجتمع شو بدنا نحكي.. وهو قرار فضّ الغشاء المهبلي، أو يلي يسمى عادة بالمجتمع غشاء البكارة، بس من منطلق عدم إيمانا بالبكارة، يعني بشكل عام، منستخدم هيدا التعبير لي هو أصح وأدق. فرح نحكي شوي عن تجاربنا وفترة التفكير أو عمليّة التفكير يلي خضناها وعم نخوضا وأكيد كتار من الأشخاص يلي عم يسمعونا كمان، خاضوها وعم يخوضوها بفترات مختلفة. عن كيف مناخد هيدا القرار وشو العوامل يلي بتفوت وبتأثر، وبشو منفكّر ومن شو منخاف، ومن شو منقلق ومن شو منتردد، وع شو منتحمّس يمكن. رح بلّش شوي بسؤال لضيوفنا الكرام وهو، بما إنو جيتو وقبلتو تجو على هيدا البودكاست ، شو فكرتوا يمكن، أو ليش فكرتوا إنو بهيدا القرار كشي عادة بدو تفكير بناء على تجاربكن، أو ليش حسيتوا فينا نحكي عن هيدا الموضوع

 فسؤالك عايدة هو ليش حاسين في موضوع ينحكى في -

صح -

 عموضوع فض، فض غشاء المهبلي... -

عايدة: هي طبعا الكلمة بشعة كتير وما عرفنا شو بدنا نستعمل في تعبير متل نفتح ونخزّق وهيكي فحنحكي بفض يمكن اليوم

ضحك

 موسم الكرز جاي.. -

 كتير محمّسة -

فأنا لي بحس إنو موضوع كتير مهم هوي لأنو من حالي والعالم يلي حواليي، كان موضوع كتير سئيل، وكتير هيكي متل الشبح موجود، إنو هالشي يلي كتير مهم يحافظ عليه، فجأة صار في تضارب مصالح، إنو لا يحافظ عليه، أو إنو ما بعرف إذا بدنا نقول، لأنو كان في نوع من ضغط أو رغبة أو شو ما كان، ما كنت حاسة إنو هيدا القرار كان، قراري الطبيعي، إنو عم يتاخد، كان في كتير اشيا، لازم هيكي نزينن إنو في بعبع ما بعد الفعل أو العمل الي هو إذا هيدا الشي بتعملي، كل شي حيتغيّر بحياتك وحياتك ح تزيد سوء، كان خرا، صار أضرب هيك شي، فبحس كمية الرعب يلي متعلقة بموضوع   فض غشاء المهبلي أو البكارة، هو لإلي شي يمكن كتير مهم ينحكى فيه، لأنو غريب إنو حدا هلقد يخاف، آه مش غريب مفهومة، بس كتير كان شي مرعب، ما بعرف إذا الباقيين كمان حسوا هيك ولا بس أنا

هلأ إي، في كتير بمطارح انو في هيك فترة معينة كتير تحسيها الكل كمان لأن لي حواليك عم يقطعوا مثلا، يمكن يكون بنفس الشي أيام بكون بعمر معين ما منحكي هي القصص لبعض الكل عم بعيش هيدا السترس بس ما عم يعرف وين يروح فيه كمان بمطارح-

 وبفتكر بحب انو كان في كتير عالم يلي هني من الاول قايلين انو لأ انا ما بعملها، و انو هيدا الشي حلو بفتكر انو حلو انو يكون حدا مأكدي من هالقرار بس أكيد بعدو منو كان هين لأنو شي بسيط وبفتكر في كتير عالم كانت أكيد لأ لحديت صارت يمكن لأ، لحديت صارت طيب، لحديث صارت في عملية بتتظبط صح في حال، في خط رجعة؟ كول أوكي تمام بحس أي كان في إنو، كان في عالم بتقول انا ما بدي فوت بهي الديباجة ومفهوم لأن وجع راس

ليلى: أنا ما كانت ديباجة عندي ، كانت هوس، هوس هوس، كانت سبق منشان هيك جيت انو بس قلتيلي الموضوع، بهمني هالموضوع لأنو بمحل بتذكر انو ما كنت فهمانة جسمي شو، كتير كان بدي كون صبي لدرجة بتوجّع يعني وما كنت فهمانة هالشي، يعني كان في سبق انو برهن لحالي انو انا
مرا بدي شي يفوت خلص وبصير أنا بالمجتمع مرا وها ضحك هلأ بس بتذكر أدي يعني بس خبركم قصة لحتى تفهموا بس أدي أدي يعني حطيتها براسي وقررت مين وما بهمني رأيو، أنا بدي و هالشي حدق لكل أصحابي دغري من بعد ما اخلص من الحمام وقلن شو صار كرمال انو انا
صرت صار عندي جسم شغّال، صرت مرا ما بعرف،، هي أول مرّة بقدر حطها بهي الكلمات بس إنو بتذكر الهوس اكيد

ورد: بعتقد فكرة انو يعني بس لأعملا، انا بصير مرا بعدين هيدي جزء كبير من التردد عندي كمان لأنو انا بالنسبة الي حاليا انا مني مستقلة اقتصاديا ولا كبيت مثلا، فبعتبر حالي انو انا بما اني مني جاهزة من كل هيدولي النواحي كأني مني جاهزة اخد هي الخطوة، لأنو بالنسبة إلي هيدي
الخطوة يعني انا خلص صرت بهيدا المحل من حياتي انو انا ال الي بقدر اتحمل مسؤولية حيالا شي بيجي من بعدا لهيدي الخطوة ، حاليا بما انو انا هلأ بعدني ما قادرة اتحمل هيدي المسؤولية هي أغلبيتها انكزايتي وتوتر وأمراض نفسية، فانو اي بس اكيد هيدا الشي من المجتمع والخمسمية الف شغلة ولبفكر فيها واللي بتجي معها وهلأ حنحكي أكيد كتير عن هيدا الموضوع، انو ما شي بتغوغلوني بتعرفوا اسم بيي وبتروحوا بتعرفوا وين بيشتغل، وبتروحوا هاي بابا بنتك كانت عم تعمل هيك هيك هيك.. فانو خمسمية ألف شغلة براسي بس انو انا مني جاهزة كون هيدا الشخص يلي هلقد متأكد من حالو ويكون مع شخص تاني، لأنو انتي عم تكوني مع شخص تاني عم تكوني ب المسؤولة عن انك تعطي يمكن

 انا كمان لإلي كان يعني، تفكير طويل بالموضوع وبمحل ما كان انو عبالي وبدي بس جسمي ما كان قادر، يعني هالشي ترافق بالنسبة الي مع التشنّج المهبلي وأخذت معي سنين لاقدر، بس اقدر اعمل هيدا الإدخال، كمان كان في كتير فكرة انو المجتمع حوليي والقصص يعني انا كنت أكيدة من شو بدي، بس انو شو القصص الي بتنحكى عن الموضوع والمفاهيم الخاطئة متل انو كيف هالشي بغير حياتك، انو مرة كان حدا قرايبيني عم تقول: بكرا لما تتجوزي بيتغيروا كل هرموناتك. أوكي الحبل والولادة ممكن، بس مش العلاقة الجنسية...

 غلط غلط التعصيب... ضحك-

ورد: ف كتير هو القصص بخزنوا باللاوعي وكحدا عندو اننكزايتي وكتير كمان ارتبط هالشي ب انو مني مستقلة ماديًّا كنت ومعنويّا عن اهلي، وفي صورة معينة لالي لازم حافظ عليها و توقعات منن لازم حافظ عليها، فأخدت أي وقت طويل

عايدة: ذكرتوا كتير قصص ونقط مهمة هلأ ذكرتيني ورد انو كيف في فكرة عنجد انو الحدا، كمان ذكرتيها ليلى انو الحدا بيتغير أو بتتغير وقت يصير الشي، بتذكر كنت قارية قصة انا و وبالقصة البنت بتعمل سكس أول مرة ادخالي، وبتفقد عذريتها والخ..

- أيا قصة؟ بالمدرسة

- تلات ارباع القصص ضحك ، القصة انو مكتوبة قصدي 

- آه أوكي أوكي

عايدة: فبتتطلع بحالا عالمراية، وبتصير بتشوف انو كيف تغيرت، انو بتلاحظ كيف صار في تغيرات معينة بوجا وهيكي، انا هيك أول مرة قعدت اطلع انو شو الي تغير ضحك مع انو عارفة تماما انو هيدا الشي مش مزبوط، بس انو خلص هولي القصص بيتخزنوا بشكل رهيب.. في شي تاني كمان انذكر هو عن اكتر من حدا، ذكرتوا انو كيف ربطوا الموضوع بالاستقلالية شوي، بانو تكونوا بمحل مستقلين فيه اه فهيدا الشي بتخيل بيجي مع الخوف من عواقب معينة فيكم تحكوا اكتر عن الموضوع؟ ما بعرف كيف اسأل عنا بالتحديد غير انو فعليا، بعرف كمان من تجاربي وتجارب كتير اشخاص انو
كان في انتظار للحظة معينة يعني الحدا ما حاسة حالا اذا صرلا شي مضطرة ترجع عند اهلها، او مضطرة تعتمد على اهلا أو فضيحة، صار فضيحة، أو صار..

سيلينا: هلأ أنا شخصيا بربطا كمان بقصة انو انا مثلا، اذا بدي قول لأهلاتي انو انا بحب كمان بنات واذا قالولي انو لأ وشحطوني من البيت انا وين بروح بحالي، هي الفكرة انو انا بمجتمع مصغّر عن المصغّر، مدينة صغيرة حيالا شي بصير كل العالم بيعرفوا في، كل العالم بتعرف بعضا، لدرجة انو مبن ما التقي انو مثلا هلأ منروح عالجامعة مننفتح عالعالم وانو، مين ما التقي بيطلع بيقربني ما بعرف كيف، كلن مجوزين من بعضن ما بعرف ليش فهيدي صعبة شوي انوالخبريات كتير بينتقلوا شوي بسرعة، هيدا مجتمعنا يعني، فانو انا اجي اعمل حيالا شي كتير انو شو ما اعمل انا ح يوصل لأهلي، وقبل شوي كنتي عم تحكي عن قصة ال يعني بقعد بفكر انو اهلاتي عم يدفعوا عليي دم قلبي، بيدفعوا عليي دم قلبن ما خصني انا ما، كرمال مثلا اتعلم بجامعة خاصة وجيب هالشهادة وارفعلن راسن وحاطين كل آمالن فيي ونازلين فيي دعم دعم انو انا يلا، هيدي سيلينا الي بدها ترفعلنا راسنا واطلع وزيرة عشوي، واجي مثلا خيبلن املن بالنسبة الن تخييب امل انو اذا انا عملت شي وطالن راسن الي ما شايفيني بس عم بعمل فهيدا اي اكيد مش بس قصة مجتمع هي قصة علاقة مع الأهل كمان اني اجي انا وخاطر انو يكون، هيدا الشي يوصلن لأنو ما عندي هيدي ال هيدي الخطر انو هني يوصلن، يعني علاقتي انا وياهم ممكن تتغير تنأذى بما انو كمان نحن علاقاتنا مع الاهل، حاكيين قبل بالبودكاست بهيدي القصص بس انو شوي هشة، اي يعني انو في متل كنت عم تقولوا انو هيدا الشبح، هبدا الشبح انو مثلا انا حاكيين انا انو انا بحب البنات

-كمان انو ماما بتحب البنات

سيلينا: ماما اذا عم تسمع هيدا الشي انا شاكة فيكي انك تكوني لاجنسية بس ... صراحة.
عايدة: في بودكاست عن الموضوع ليلي مهتم
سيلينا: الرابط بالبايو

سيلينا: فانو انا مثلا وقايلتلا انو انا بحب البنات أول شي الجواب كان: يعني انتي هلأ ح تزني؟ فهيدا، هيدي النظرة تعيت امي بالنسبة لالي كتير بتهمني، وما فيي اتخلى عنا فإني أنا خاطر بهيدي النظرة أو خاطر بهيدي العلاقة منو بالنسبة لالي أنا هيدا الشي فوق كل اعتبار، مستعدة احرم حالي من حيالا شي كرمال ضل أنا بهيدي العلاقة الي انا وياها عندي، انا وامي يعني، فطول ما انا ما عندي هيدي ال طول ما انا ما قادرة اتحمل مسؤولية، الخيار او القرار الي انا بدي آخده وما قادرة أحمي حالي مني مستعدة آخذه لهيدا القرار

- غريب كيف انو بنفس الوقت، كيف كنا هلأ عم نقول انو كلنا منقطع بهيدا الشي كل واحد عم بعيش لحاله بهيدي الأفكار الفقّاعة، موضوع قصة الاستقلال هي وانو نحن نعيش نعيش مستقيلين عن اهلنا ومنكون قادرين نوفّر حياة لحالنا، وانو مننسى كمان بعد ما يصير هيدا الشي، لنقول انو اخدنا الخطوة صرنا مستقلين وكل شي مننسى القصص الي بتجي مع هي الحرية، يعني انا بتذكر من هلأ من الحديث كيف كان ما ببالي هيدا الموضوع فلّيت من بيت أهلي وانو، أفف، شو كان في، في فكرة انو انت تكوني أهلك كامشينك من ميلة المصاري والبيت وكل شي، كيف بوقف من كتير تجارب بالحياة يعني انا كان الي  كتيركانت سترس اوكي، بدنا فكرة البكارة وغيره وغيره، ويعني ومرقت فترة خلص بطلت فكر بهيدا الموضوع لأنو كان عندي قصص تانية عم بتصير وفليت من بيت أهلي ومن بعدا كتير كانت، بطلت فارقة معي وبطل سترس الي الموضوع وخلص ما بهمني شو يعني قلبت كل حياتي لي بدا تقلب هي كمان، وضل فكر فيها مرتين وتلاتة وأربعة وعشرة وانو صارت بطريقة عشوائية انو كتير فكمان هيدا الشي خلاني استوعب كيف الاستقلالية لما منكون لحالنا كمان فكرة انو فينا نفكر لحالنا، وانو ما في يكون ضغوطات عائلية وأصحاب وهيك كيف بساعد هيدا الموضوع.

- كان بدي زيد شي ع يلي قالته سيلينا انو كتير بتذكّر الرعب من فكرة انو لبنان كتير صغير وكل العالم بتعرف بعضا، وبعدو هيدا الرعب حقيقي بالنسبة الي، ودايما كان عندي كوابيس انو اهلي عم يلاقوني مع حدا مثلا، ودايما كل ما لاقي حدا جديد وحس انو بيعرف هيدا السر عني انو مثلا ناشطة جنسيا بصير فكر اذا في ممكن ينوصل بأهلي انو بيعرف فلان الي بيعرف فلان الي بيعرف اهلي بمعظم الحالات يعني فمتل دايما عايشة ناطرة انو هي اللحظة ح توصل وح توصل شي وقت، بوقت ما وانا بدي واجها فناطرة هيدي المواجهة بس.

- هيدا الشي كتير غريب يلي عم بصير براسي هلأ، لأنو انا أمي هي الي كانت عايشة بهالحالة كل حياتنا وقررت بمحل، لانو هي في فضيحة كتير كبيرة بعيلتن كانو ووصلوا ع محل خلص ما عش اجتماعيا، صار معن شي، كان بس لانن نسوان العيلة وتصرف بيا بطريقة معينة كتير كتير شي يعني، يعني عنيف لدرجة انو المجتمع اتطلع فيون ما ساعدن وقلن أكيد اتصرف هيك لأنو انتو شراميط عفوا على الكلمة

- هيدا البودكاست شايف كتير كلام.

- فهي كتير معي انا واختي وخيي اتطلعت فينا وقلتلنا انتو خبروني شو بصير معكن ما بيوصلني من المجتمع، انتو ما بتخافوا من المجتمع بتخبروني شو ما صار خبروني بيوصل لعندي ما حدا إلو شي عليكن وما حدا في يدق فيكن، وهيدا الشي اكيد انا كتير ممنونة عليه، لانو أكيد عندي سردتي مع كل هالاخبار والهوية تبعي وكلشي بس من ناحية خوف من أهلي والمجتمع انا معزولة، نحن عيلتنا انعزلت بالضيعة ما كنا بضيعة كنا ببيت كتير بعيد ما حدا خصو فينا ما حدا في يدق فينا وببيروت ما نحكي مع حدا يعني الناطور بس يقلنا هاي، انو مرحبا ما خصّك، وبفوت مع مين ما بدي فوت أنه هالقد ما حدا اله معنا نحن بنخبر أمي مباشرة هلا لا قعدت الفكرة براسي قديه اشتغلت عهيدا الشي وقديه زبط معا بمحل معين، بس بمحل التاني هي عندها كمية عار كان كتير كبير على هالمواضيع فما كان حلو الحديث معا انو بس خبرتا دغري، صار الحديث رحت لعندا خبرتا واكيد الاستنتاجات تبعا كانت كتير انو انا.. مليون شغلة منحكي فيهم بعدين بس انو أي أفف هالشي، ما بعرف أثر فيني منيح هلأ الحديث هيكي

- انا بحس إنو بس ل سيلينا كانت عم تحكي بس نقول، عن انو انا آخد مسؤولية هالشي، هي اكثر اذا دايما في كلمة إذا ورد، متل ما كنتي عم تقولي. أكيد هو وقت بس وبيرجع هوي برد هي القصة على بيتي وبدا تنفجر القصة فيي، بس هي الواحد بكون عم يتسابق مع الوقت انو، انشالله بوقتها بكون عندي شغل وعم طلع مصاري وهيكي كرمال بس لتصير، بس لتنفجر القنبلة ما كون بالبيت، فانو بس هي منا قصة مسؤولية من ناحية مثلا ما في فعليا مسؤولية اذا ما حدا بيعرف وما حدا حيعرف، فهي انا يمكن بيزعجني اكتر شي بهالموضوع، متل ما بعرف ما بتذكر كتير منيح ال  بس ليكون في شي بعبع ورا برداية وانو مبين اكبر من ما هو عنجد، بترجعي بتطلعي ورا البرداية بتلاقي واحد حاتط سبيكر، ييه، اي اكيد هيدا ما بتذكر بس شي هيك هوي، وهيدا يمكن لي زعجني كتير لانو بس لصارت توقعت كل شي حيفرط حوليي و وضليت ناطرة وقلت اوكي وهي لانو مفروض يصير لانو ما في خط رجعة لانو هي شو بقولوا، بقولوا ببطل فيك تلاقي حدا تتجوزيه يلي بيعجبك تراررارا هلأ هو خلقة ما كان في الاوبشن بس يمكن لقيتي واحد يلي كول من كل النواحي بس عهيدي الشغلة المجتمع بتعرفي واصله قبلك فبتقولي انو اوكي يمكن هيدا الشي يعلق عليه، او يصير وشفناها مع نسوان تانية، يلي بكونوا خاطبين وبصير، اذا صاير انو هي عاملة ممارسة جنسية مع حدا تاني يحملها على راسها للنهار الي بتموت فيه، الي هو انها تضلها عايشة من الاول انو هي هيكي فايتة حرف ناقص وهو شايفتا انو هيدا الشي بصير ف توقعت كل شي بدو يفرط من بعدا، وانو ما في خط رجعة من بعدا ، بس انو ما صار هيك، انو الواحد بفكرانو متل ما القصة الي قريتيها على هيدا انو المفروض بصير يبين وجهك فانا يمكن اول شوي عم بطلع انو شكلي غيرـ انو هيك بارانويا فعليا، انو اكيد حدا حيحس، اكيد حدا حيعرف وما صار شي فقسة بس اكيد بعرف انو كان فيها تقلب بمليونين طريقة تانية، انو يعني ساقبت او حظي حلو او مرق وقت كافي هلأ بس لفكر فيها هيكي، يعني على كيف واحد بياخد قرار لانو في كذا حدا لمح ل كيف اخدوا القرار او كيف اخدوا القرار انو ما ياخدوا ما يعملوا شي، انا بتذكر كان كتير بضحك السبب لي اخدت القرار، صار هو المسؤولية الوحيدة لي هي مثلا اذا صار معك حمل انو قبل فض غشاء البكارة او الشو اسمو المهبلي حبلت، برا لبرا بتصير، هيدا منرجع منحكي فيه عالفاصلة بوقت تاني، بس صارت وصرت فكر بكتير اشيا دينية بس صارت ورحت عند حكييم ما صدقني رجع قلي الغشاء المهبلي مش بس كامل كان شكله غير، ممنوع المرور فزابط زابط، فصير انو انا قول شو فرقت طيب يعني هلأ انو انا فيرجين بس حامل وين الدين، أيا ديانة بدها تخلق كرمالي ضحك هيك كتير صراحه بفتكر لأنو كان كتير فصلي، فاصلة يعني انا صرلي عم بتفادى بتفادى بتفادى عملت شي كافي لأنو احبل فإنو ، انو عمين عم بضحك حسيت حالي شوي سخيفة لوهلة، فقلت اوكي اذا الواحد بدو يسقط، واذ واحد في يفوّت، واذ هيكي بتنتهي حياة البنات والنساء انتبهوا ، ضحك، عم بمزح عم بمزح لا عنجد كتير عادي رواق بس هيك كتير حسيت انو شو سخيف انو انا مهووسة بالفكرة و اكلت الضرب بس انو..

عايدة: بس هو فعليا الخوف الي ذكرتيه من الحمل مثلا او من الالتهابات المنقولة جنسيا خاصة كيف منفكر بالالتهابات المنقولة بالمجتمع، انو هي بتبين عليك بشكل عام وبتجيب معها تعييب الخ، ففينا نعتبرا كمان وحدة من العواقب، يعني في العواقب لي عن الأمراض والأوبئة والبلاوي السودا الي حتجيبيها والحمل الخ.. والفضيحة وكمان حد من العيلة يعرف آنوي بطريقة أو بأخرى وينمس بالشرف تبعي، من جهة بحس انو في لما كنت عم فكر بهالقصص لحد ما أخدت القرار بمرحلة ما بس لما كنت غم فكر بالقرار كان في الشق تبع انو معلومات او خوف مبني فعليا على معلومات غلط، على معلومات كلا جايية من خرافات مختلفة منتشرة بالمجتمع بأكدوا عليا الاطبا بأكدوا عليا وبرددوها الشيوخ وال والمسلسلات الخ، وفي الشق المادي الكتير، الي فيني قول انو اي اهلي ما فيون يعرفوا الا اذا خبرتن او اذا حدا صور او اذا كان في دليل ملموس، بس في خوف حقيقي مبني على شي حقيقي وملموس على كيف ممكن بصير في عنف بحال عرفوا اهلي او عرف المجتمع، وهيدا خوف كتير حقيقي بخف بشكل كتير كبير لما واحد يستقل ماديّا، مش معقول أديش بخف هيدا العبء تبع انو، أكيد مش بكل الحالات بس أديش الاستقلال المادي بياخدنا لمحل عم تفكري انو بأسوأ سيناريو انو شو المكسيموم الي بدو يصير بهيدي الحالة، بس الشق التاني تبع المعلومات حسيت انو ساهم كتير بكيف القرار اتخذ وباي سياق ومش بالضرورة القرار بحد ذاته بعتقد، هلأ بعد شوي ح اسأل عن هيدا السؤال بس بفكرة انو تتخطي بدماغك أهميّة العذرية او تتخطي، ليش سهل العالم ممكن تعرف انو انتي عملتي سكس ادخالي، ايلاجي خسرتي هالغشاء الخ لأنو  كتير قلّة المعرفة بأمور مختلفة بتكبر هيدا البعبع بشكل كتير مخيف لأنو بتحسسنا انو كل شي واقف ضدنا من ناحية اديش سهل ننكشف، اديش سهل يبين علينا اديش سهل نتلوّث اذا اخدنا هيدا القرار

عموضوع الاستقلال المادي، بحس بيجي بثمن، هوي أحيانا منحكي فيه كانو هوي البطاقة أو التيكيت يلي لحرية بس هي فعليا فيها تكون نوع من انعزال أو بعد عن عيلة او عن بيئة يلي، اوكي مش زابطة بكتير محلات بس زابطة بكتير محلات كمان، اي فعلى أيا أيا ثمن وحدة بدا مثلا تعمل القرار في كتير عالم متل ما قلتي بحالات بس هي حالات كتار انو حدا بتستقل ماديا بس هيدا بعدو توقع حقيقي كرمال انو تستقلي ماديا كتير مهم بس بعدو متوقع منك انك انت بدك تمام اخدتي الشهادة هلأ صار وقت تلاقي عريس، او ما لقيتي انت وعم تجيبي الشهادة اوكي منا مشكلة بس بتلاقي عريس ولازم تكوني اكيدي ما تشوهي صورة العيلة

عايدة: اي هي مش، مش انو بتروح المسؤولية قد ما بتصير عالقليلة بتحسي انو يمكن فيكي تعملي خطة احتياطية اويمكن فيكي تحمي حالك بحال كل شي خرب او كل شي انهار متل ما متوقع بس تخسري عذريتك

سيلينا: بتحسي بتصيري انو بدك تنقي، انو هل انا بدي ضل بهالمجتمع لاني انا بحب العيلة وبحب جمعتن و بس انو في قصص ما منحبا بجمعتن بتصيري بدك تختاري انو هل رح بتكوني نفسك بكل زواياكي واصلا هيدا البارت المهم الي انت بتأرجيه لما تكوني مجموعة مع عيلتك وهيدا كمان بارت مني أنا كمان، يعني ما فييي اتخلى عن هيدا ولا فيي اتخلى عن هيدا ولا عارفة حالي انا وين بدي روح ولا مين بدو يتبناني يا شباب حدا ياخدني لعندو، يعني بدي كون مستقلة بدي ابعد عن هيدا الجو لانو مجرد ما انا كنت بهيدا الجو ح يجي ينسألني هيدي الأسئلة يعني مثلا ايمتى بدك تتجوزي ومين هيدي الي بتنزلي معها صورتك دايما،  فإنو هيدا اذا كان عندي صاحبة - ضحك فانو اي هيدولي الأسئلة انو ايمتى بدنا نفرح منك، وفي هول الخبريات، هول الوشوشات كمان وحتى لو انت كنتي مستقلة، بتفكري انو انا اذا امي كانت بهيدي المجموعة مش كمان ح يوشوشوها انو ليش سيلينا دايرة وهيك قصص، يعني بتصير فكر انا كمان انو هيدا ال الإحساس بالذنب إنو غير انو انا قبل شوي حكينا فيهم عقصة العار عالعيلة وهيك والمسؤولية انو هني ربوني لهي الدرجة وانو انا كأني أنا مدينة لإلن بشي عيلتي والناس الي ربوني كمان انا مدينة الن بهيدي المجموعة انو هني ما يتعرضوا لهيدا الضغط لأنو هني كمان عم بتعرضوا لهيدا الضغط فبقعد فكر انو اوكي شو ح يصير لإمي اذا قعدت مع اخواتها وحكيوها عني بهيدي الطريقة، اذا بركي، هي ممكن تكون موافقة على انا قرارتي وما عندها مشكلة معن، وما عندها مشكلة مثلا انا يكون عندي حبيبة، او ما عندها مشكلة انا مصاحبة حدا برات ديني، بس هني عندن مشكلة بهيدي ال انو هيدا الضغط الي عم شكله ع امي انا كمان بحمل ذنبه كتير

ورد: اه فعليا ليلى متل ما كنتي عم تقولي على إنو أوقات مع الاستقلال المادي بيجي، انو تمن منبعد عن عيلتنا او منخسرا، انا كمان يعني خضت هيدا الشي لأنو، اوكي صرت حس اكتر اني قادرة كون عندي علاقات جنسية او كون عايشة حياتي متل ما بدي كنتيجة لهيدا الاستقلال المادي، بس بالوقت نفسه بعدت حالي عن عيلتي قصد، كان في بكتير محلات شعور الذنب انو هني عندن توقعات معينة مني، وانا ما بقى لبي هي التوقعات، وبميلة ثانية صرت اوقات خاف انو بين على حقيقتي قدامن او انو هيدا الشق التاني مني انو يكون واضح للناس لي موجودة بمحيط عيلتي فبمحل ما اخدت قرار اي،دفعت تمن لما بعدت حالي لحد ما منن

- كمان تعقيبا ع يلي كانت عم تقوله ليلى على موضوع صورة العيلة، كمان كتير بضحك لما نكون نحن بمرحلة ما، ما حدا برد عليكي بالعيلة أو ما حدا بيسمع شو يلي عندك آراء أو بس كسك في يهين كل صورة العيلة باختصار مفيد، انو كتير شي غريب لما تكوني بهي المرحلة انو بس أنا ما هلقد بتفكري حالي، انو ما هلقد بتفكري هلقد مهمة بالعيلة ورواق وما، وانو انا اللي عالجنب بس انو فيي خرب كل صورة العيلة اكيد وبصير في انهيارات عالموضوع، وسوري كانت عم تقول ورد، أي البعد عن العيلة انو انا من تجربتي بصيروا، لما بيعدت عن العيلة صاروا انو مثلا بدن بيعرفوا اكتر انو بينغاظوا لأن ما عندن عيون ٢٤ ع ٢٤، فانو هني كيف يعني حدن فل من البيت وهي اوكي أزمة عم نحاول نتعامل معها، بس تخايلي ازمة انو مين ما كان فيه يطلع ويفوت من هيدا البيت، وهني منن قاعدين مراقبين كل شي عم بيصير يعني هني براقبوا تصرفات كيف الفوتة والطلعة اللبس كل شي، أيا ساعة الفوتة والطلعة هني بطل عندن ولا شي من هي المعلومات فكمان بصيروا في بانيك أكتر انو صورة العيلة أكيد عم تروح

- one day at the time

- one day at time exactly

ليلى: الفكرة طلعت هلأ براسي بتذكر لما كنا صغار، انو عم بحكي بالمراهقة اللايت مراهقة، كل أصحابي كان عندن نفس هالحديث وانا بتذكر، نوعا ما في حديث ما قدرت أعمله مع حدا بما انو عيلتي هيكي تركيبتها غريبة شوي في هيدا النوع ال العطونا ياه انو نكون نفسنا بس بنفس الوقت في أفكارن عن السكس وعن كل هي الاشيا، الي لأ حطوها براسنا وزرعوها بس الحديث بعدني لهلأ قاعدة هون وعم فكر بعدني هون وفي حديث تاني ما بدي هيك كنسه عجنب، لأ العار والاسئلة وكل هي الاشيا، انا من نفس المجتمع ساقبت بس انو مش خايفة اخسر امي، كتير حلو هالشي بس بنفس الوقت يعني، بنفس المجتمع بنفس، في حالة الرعب اللي مش فاهمنتا لأنو بالعيلة الصغيرة تبعي هيكي في نوع من أنو لا ما حنتركك، نحن منلمك انت كليرلي مجنونة وشو ما تعملي نحن منلمّك، بس انو بنفس الوقت اختي مثلا ما خبرت امي وانا فضحتا بعد عشر سنين ضحك انو كانت آخدة ترامال، انو عيلتي كانت عم تتصرّف متل المجتمع انا كان في قرار براسي، أول شي فليت من البيت كان عمري ١٨ وسافرت كان هالشي كتير منيح لإلي تإقدر آخد قرار، بس كمان بطل في حدا احكي معه لأني أنا برا عم بحكي مع الأمركان يعني ساقبت عم بتعلم مع أمركان وأجانب وكلن انو، اي عال ١٤ وال ،١٢ الحديث معن مستحيل مش فهمانة شي وحاسة بالعار انو هل أنا مأخرة مشان هيك استعجلت وانهوست، برجع عالبيت الحديث مش فهمانة شي، مش فهمانة انو هيدا العار النوع التاني الي جايي مع هيدا المجتمع ففي محل بحس حالي  مع مين بحكي عن هالموضوع وشو صار معي بالتحديد ولا لهلأ بعد ما في  عن كيف أخدت عالقرار الي كان كتير كبير وعملته بطريقة كتير كتير صغيرة، واي هيكي رجعت عشت الحالة معكن انو اه اوكي بعدو الحديث ضحك مع مين بحكي طيب، اي بس هيك.

عايدة: ذكرتيني هوني بنقطة كتير مهمة كنا عم نتحدث عنا قبل البودكاست عبالي كمان نحكي عنا أكتر، الي هي التوقعات فعليًّا وهيكي الي بتجي من مجتمع عم يقلنا انو هيدا الشي كتير غلط وبخرّب حياتنا وبخرّب صورتنا وقيمتنا والخ، من لما نبلّش نضهر مع عالم أو لما نبلّش نفوت بدوائر معينة عبالنا نضهر مع عالم أو ننام مع عالم أو نعمل علاقات، حتى عبالنا نعمل علاقات بين قوسين بريئة مش بالضرورة كان الجنس شي عم نفكّر فيه كجزء من العلاقة، بس أديش بدوائر مختلفة في توقّع انو الأشخاص يكونوا بعمر معين فضّوا الغشاء المهبلي، وهيدا الشي كمان يعني يمكن، لإلي شخصيّا ما كنت متوقعة مثلا أديش رح بكون شي عادي ومتوقّع ببيروت لما نقلت على بيروت، بدوائر معينة أكيد مش كل بيروت، لما نقول دوائر أو نسويّة أو يساريّة أو الخ، واللي حسيت انو بكتير إحراج بمكان معيّن انو بعدني ما قدرت آخد هيدا القرار، ولو انو عقلاتي وتفكيري مآمن انو العذريّة هي شي كتير سخيف ومنو مهم الخ، بس براسي في عراقيل وبعبع والخ، بخلي هيدا القرار كتير صعب، فأديش هيدا الشي بأثر على خيارات المواعدة لنقول الي مناخدا، أو بأثر على انو ما نكون عم نعمل تجارب ممتعة وجنسيّة عابرة لأنو ما فيكي تفوتي فيا واني  ما عملتي هيدي الخطوة الأولى، الي انو نمتي مع حدا بتحبي وكانت كتير انو شي لذيذ فما بعرف اذا بتحبوا تشاركوني شوي عن هيدي الفكرة بالتحديد

سيلينا: بالنسبة الي كان في توقع من الشركاء انو يعني فكرة كل مرة بدي كون مع شريك جديد بدي اشرح هيدا الشي من أول وجديد، كأنو أنا مديونة لالن بشرح، لأ أنا ما بفكّر هيك ومش خايفة بس انو جسمي مش عم يقدر، كل هيدا كان كتير، ما خلا كتير موضوع العلاقات كتير سهل كان شي سئيل انو بردة فعل الشركاء  كان في الاتنين يا الشخص الي عم يتعامل مع الموضوع انو انا بدي بين مزدوجين افتحك الشي الي هوي كان كتير أنفر منو وما خلانا قوم بهي الخطوة بوقتا، الجزء التاني الي هوي انو انا لأ ما بحمل هي المسؤولية عأساس انه، ما بعرف عم نفكك شي قنبلة يعني ضحك فحتى هيدا الشي خلاني آخد قرار انو انا بدي أعمل هيدا الشي لحالي وأنا ديجا كنت بعاني من تشنّج مهبلي حتى لما جرّبت ما قدرت بس انو أخذتني سنين وصرت جرّب انو ألعاب جنسية وكأس الحيض هيك بعدين  لحتى وصلت لمحل قدرت قوم بإدخال  صرت انو اوكي جاهزين نجرّب، هيدا عم بحكي مع شريك يعني بوثق فيه وكان في علاقة طويلة وهيك، بس انو ما كان عم يزبط الموضوع بلا كل هالعملية الطويلة بس هيك أخدت القرار انو ما بدي بمحل بالمجتمع لأنو دايما بسمع هيدي الخبريّة انو اي أنا، أنا الي فتحتا بين مزدوجين لهي البنت، فأنا فكتير هيدا الشي هيك مزعج وكنت انو لا فشرت مين ما تكون.

ورد: هي قصة الثقة أكتر شي عندي، هيدا أكبر شي بفكر في يعني انو انا هلأ سنجل ضحك مسنجلة صرلي زمان محرومين ضحك يا جماعة.. هيديك المرة كنت عم قلا لرفيقتي انو بس هيك بدي حدا يكون عندي معه علاقة جديّة خيي وأنا خلص برجع بكفي  يعني بكفي علاقات عابرة بس اول شي، فوتوني عاللعبة وبعدين منزبطا. ففكرة انو أول مرة يعني الكل بيحكي كانت تعيتو أول مرة متوقع تكون هيدا الشي الحلو والرومانتيك والنحن الفايتني عليه وعارفين كل شي نعملو وما بعرف شو، بس الكل بيحكي انو ما كانت هيك، كانت مش انو مخيبة للآمال بس ما كانت متل ما توقعتوا عم بحكي انتو لأنو فيرجين، وعم نحكي ع قصة الدوائر الناشطين والنسوية أكتر، هالشي أنا كتير بعاني منو لأنو أغلبية رفقاتي مثلا نسويين يساريين، وبحس حالي كأني انا ناسييني ورا وانتو عم تنبسطوا وأنا قاعدة عم بتفرّج عليكم، وانو أنا اي أكيد عم بتقبّل انو ناشطين جنسيا انو عادي انا عقلي منفتح بس انو بيطلعوا عليي انو انا مني ناشطة جنسيا وبيعتبروني انا كأني مثلا ما بعرف، كأني عم ناقض انو أنا بآمن انو، ما بآمن بالبكارة وبالعذريّة وهو القصص ومش انو بشجّع بس انو، لارجع لحديثي بالأول لانو انا هلأ استطردت شوي ع قصة الثقة انو انا بشوف بدي كون بهيدي الموقف الي ح تكون شوي هيكي ، محرجة، يعني أول مرة بتكون محرجة شوي، انو هيدا الاحراج ما فيي كونوا مع شخص ما بوثق فيه هيدا الاحراج لازم يكون مع شخص انا بقدر كون عندي انا وياه يكون عندي تواصل، متل هيكي كل شي، كل شي عالطاولة نقول لبعض انو هيك هيك القصة وانو كمان متل ما كنا عم نحكي مع بعض من شوي انو الخبرة بعتقد انو اذا بدي فوت حيكون في توقّع مني انو انا عارفة شو عم بعمل بس انو انا عم بشتغل باغراض بحياتي مش مشتغلة فيهن ف بليز بدكن تساعدوني شوي ف انو مش كتير زابطة لأنو ما بوثق بحيالا حدا التقيت فيه كذا مرة بس، بدي يكون عندي علاقة طويلة مع هيدا الشخص كرمال اوثق فيه لأنو بالنهاية انا بحياتي ما حدا شايفني بالزلط، امي بس، والي كانت عم تعملي لايزر بس، بس ضحك ف حتى عقصة الليزر بركي هني ما بحبوا الشعر تحت مثلا، بعدني عم قول تحت لأني بعدني عم متحفّظة ع هي المصطلحات، بعدني مني كتير مرتاحة اني استعمل المصطلحات مثلا، وبحاول انو أدفش حالي اني كون مرتاحة مع هيدي القصص بس انو بركي الشريك الي انا معه متوقّع انو انا مثلا كون شايلة شعر الغالي

- العانة

- العانة ضحك فانو في هيدا، التوقعات، شكلي، توقعات قصص الي بدي اعملا، توقعات القصص الي هني بدن يعملوا.

- عالسيرة سيلينا مش عن الليزر بس انا حسيت من، بفتكر كان في شي شوي، كويري بالعلاقات المغايرة الميول يلي كان اول شي يعني كنت مارسها يلي بعدني منفتحة لإلها بس انو بوقتا كنت بس لا انو خلص اتخذنا القرار، اتخذت القرار قبلت بالأحرى وهو أخذ المسؤولية، أكيد لأنو مسؤولية كبيرة هاي يعني اذا مضطر يعني، يضطر يتجوزني بيعملها كان بس مع الوقت شوي اشتقت للممارسات الجنسية قبل الممارسة الايلاجيّة كتير، مش شوي، يي كنت كل الوقت نق نق، انو هلأ صرنا نعمل هيك نسيت كل شي، كل شي تعلمنا قبل، لأنو هو فعليا متل ما عم نحكي في تقل عالموضوع وفي توقعات كبيرة من الرفقة والعالم يعني تقريبا ما بتحس شخص بالغ إلا ليكون ناك أو انتاك وعيب، مش لأنو قلتن عيب على فكرة انو شو خص اذا حدا عمل ممارسة جنسيّة وبالأخص ادخاليّة انو هيدا الشخص بلغ أو نضج فكريّا، لأ منعرف كتير عالم..

- صارت امرأة

- ضحك صارت امرأة، وكمان الصبيان يعني انو صار شخص إنو، آه ما هذا أصبح من البالغين، انو بس انو كمان الممارسة الادخالية، شوي حسيت بتمحي شوي من التخييل لأنو بس كان في منع، منع دخول ضحك كنا نكتشف كتير اشيا تانية بتسلّي كتير، وهي الهوس تبع انو اوكي منعملها وما منعملها وصارت، حسيت انو صار انو شي سهل بس انو راح من ال أو من الابداع يلي بيجي مع الممارسات الجنسية يلي هو كتير كويري كتير حلو، يلي ما يكون نحن معلقين وشايفين الإدخال وما شايفين غيره وهيدا الشي بفتكر كتير مع انو كنت بعلاقة مغايرة كتير حسيت كتير فهمني اشيا أكتر عن جسمي بشكل كتير كويري بعرف انو ما كان هيك قصده المجتمع ضحك تانكس لأنكم عملتوا هالقوانين لأنو اكتشافات جديدة

-العالم جرّبت قصص

- تماما هيدا اللي كان صاير معي انو ما كان عندي ولا طريقة اتواصل مع البشر لأنو ما كنت مرتاحة ولا بجسمي ولا بجندر تبعي ولا بالتعبير عن النفس وكان عطول في تعليق، كلنا منعرف عن كيف هيدا، فالفكرة انو كانوا كل صحابي حواليي عم يعيشوا هيدي الحالة ابداع جنسي بلا الادخال وانا مش فهمانة شي، انا انو كنا نتسكع مع بعض نروح مثلا بيت واحد كبير ويصيروا هي الاشيا ضحك

- هيدي اورجي

- وأنا كون قاعدة لحالي، انو شو عم بصير مش فهمانة، وشايفة الناس الأقرب شي عليي، الاكتر شي منحكي بمواضيع عم بفوتوا بشي، عم يفهموا شي عن أجسامن حتى عن الحميمية الي انا ساقبت ما بعرف ليش بس انو في شي هون ما بيعرف يتواصل مع البشر بطريقة نمطية  فما كان في هيدا الابداع يلي لهلأ بعدني عندي هي البذرة الغريبة براسي الي بتضل تصير انو كل شي، أهم شي الإدخال بعدين منحكي بكل شي تاني فانو، هلأ مانعة حالي عن السكس انو ممنوع خلص أنا مش فهمانة عالسكس، مش فهمانة كيف المفروض نوصله بطريقة مريحة، ما عندي ولا حدا احكي معه بهيدا الحديث التحديد، لأن صار عمري ٣٦ سنة وانو القرارات الي عملتها كتيرعاطلة  بداءا عن هيدا الاستعجال وهلأ عم بفهم أكتر انو اي لأنو بعتقد كان بدي نوع من الحميمية الي هي  بصير كتير أكثر بلا هالاستعجال اذا بدك.

- فينا نحكي بخصوص فكرة انو كيف كذا حدا او كلنا منفكر فيها أدي أدي كتير عاملينا العالم بطريقة انو هيدي كتير فترة مهمة بالحياة وحتتغيّر الحياة كلا من بعدا، الي كان بدي قولو انو فكرة من وين جايي فكرة هيدا الشي، كيف من أهالينا جايي من مطرحـ لأنو الزواج هو شي كتير مهم، وليلة الدخلة هو شي كتير كتير مهم، وحتتغير الحياة من هون وهو ح يكون شي كتير جميل، فبحس كمان هيدي السيرة شو بتعمل بالعالم لما يقولوا انو اي ما بتعملوا غير مع الحدا الي بتتزوجوه فمشان هيك هي أحلى ليلة بالعالم مع الحدا الي حتتزوجوه.

- مين اللي بقولا أحلى ليلة بالعالم الكل بيطلع عليها كشي مخيف، شي بوجّع.

- اي بس الأهل يلي بيعملوا سكس 

- شو غريب

- اي الي بيعملوا حكي عن الجنس انا شخصيا ولا مرة عملنا هيدا الشي الوحيد اللي حكينا فيه انا وامي عن السكس كانو هو لاقت كيس بقلبه كان كتير كوندومز و وبقلبه كتير بوم بوم وانا لي معي لأنو كان بقلبه بوم بوم، انا شخصيا انو ما الي عازة الكوندومز لأنو ما بعمل مع أيورة ضحك ما بعرف كيف بدي قولا غير هيك بس انو لاقتا وعملت أزمة وأخذ الاكزوتينيل وقشط لونا وصار في انهيار كتير كبير مع هيدا الموضوع ما عملنا حكي الجنس فهي بس اطمنت قلتلي انو للزواج، وقلتلا للزواج وخلص هون الحديث، بس بعرف عالم تانيين انو الأهل عادة..

- ما بعرف ايا اهل يعني بالمجتمع ضحك

عايدة: ما بعتقد في، شخصيّا ما بسمع عن الموضوع كشي لذيذ قد ما انو كيف بتتغيري انت بعدين كيف بتصيري مرا الخ، هو شي لذيذ بس طبعا حسب السياق يلي عم تعملي فيه هيدي الممارسة فمش اذا عملتيه برا الزواج او قبل الزواج او حيالا، والحكي عنو دايما بحسو بسياق التخويف والترهيب انو كتير مثلا كنت اسمع انو بس تتجوز الوحدة بتصير كتير بدا تعمل سكس، لما تنفتح أوّل مرّة طبعا بين قوسين بتصير بتجيها الرغبة قبل ما كانت موجودة بس تجرّب يعني خلص بتبطل بتصير انو بيجي الهيجان ضحك

- هوي ليش هيدا الشي سلبي بس هيدا سؤال يعني ضحك

عايدة: أي هو منو سلبي إذا ضليتوا ضمن مؤسسة الزواج، بس مثلا اذا رجعتوا طلقتي أو أرملة أو حيالا هون بصير في خوف دوبل لأنو جربتي بس هو فعلا لأنو بطلوا فيهم يعرفوا بالأساليب يلي هني بفكروا انو بيعرفوا من خلالا العذرية بطل فيهم يعرفوا اذا هيدي الوحدة عم تمارس الجنس بطرق غير شرعيّة أو خارج المؤسسات الشرعيّة.

- بس كتير بيحكوا انو النسوان متل القطط، متل البسس انو بس يي حرام، لأ لازم تخصيها تعمليلا عملية العقم قبل ما تدوق وتجرّب والا من بعدا حتى لو شلتيلا الرحم بتضلا بدا لأنو بتكون داقت بتصير تزعل اكتر بس انو هوي هيك بقولوا كمان عن البسس.

- بتعرفوا كرمال الإير كتير أكلة طيبة كرمال هيك ضحك أول ما تجربي 

- مرة حدا دق عالخط الساخن انا كنت آخده ف ما خص هيدا، بس في حدا دق عال  وبفتكر كان عم يستلمني، كان بدو ياني الو اشيا بذيئة وهيكي، قلي أنا ح اتجوز الاسبوع وما عارف شو بيعملوا، قلتلو شو يعني، قلي يعني بليلة الدخلة شو لازم أعمل، بدو ياني، قلتلو بدك ياني اشرحلك كيف بدك يعني تحطه هيدا هو السؤال بالآخر، قام قلي لا مني مأكد وهيك، انو هيك المفروض يصير ف صراحة يعني حسيت مع انو عم يستلمني ويمكن، ويمكن، مبلا بفتكر، عم فكر انو طلعت هيكي فجأة كنت عم قول انو كتير غريب حدا بتوقع انو فجأة بليلة وحدة لازم يكون في أي نوع من انسجام جنسي وانو يكون في إيلاج أو إدخال وفجأة، عيب غلط ضحك عم قول عيب عالفاصلة، لأنو بتاخد وقت، لحدا كل حياتا المجتمع والعيلة عم بيقولوا ممنوع ممنوع ممنوع ما في رغبة ما في رغبة انتي نضيفة وشريفة، وساعة الي انو يلا  لازم يصير في ادخال ليكون الزواج تم، كمانا انو هي صارت لهل شخص قول انو ما بعرف اذا عنجد عم تستلمني ولا لأ بس انو بتاخد كتير وقت لانو العالم انو ترتاح وتنبسط سوا وهيك وبحس كتير حلو السيرورة انو حدا يعمل هالشي برواق وع كيفه مع شريك متفهم أو متفهمة، فهيكي صار بالآخر صار الحديث كنت عم قول انو يمكن اذا سآل انو يمكن ما بدها، مش مقبول حدا ينجبر يمارس الجنس بس لأنو تجوز، انو شوفوا وانو هيدا الشي بيرجع بأدي لاحترام أكثر وحميمية أكتر بينكن عالمدى الطويل لأنو بتعرف انو هيدا السؤال، انو لازم ينسأل مش بس لأنو متوقع، ولأنو كمان بفتكر انو بس حدا يكون كتير خايف ومتوتر صراحة كتير صعب موضوع الادخال لأنو في فكرت انا انوعندي على كم فترة لأنو عالتوتر، عضل المهبل يعني اسم الله حدا يدقلي عالخشب.، دق دق يا زوزو ضحك انو كتير قاسي هيدا فعنجد في شي كتير نفسي لأنو بس لتقبّلت يعني انو هيدا الشي ح يصير وانو شو ما كانوا ردات الفعل بس تقبلت انو هيدا الشي ح يصير كان كتير أهين وفجأة كأنو كتير غريب كأنك بتعرفي انو في باب دايما مقفّل ودايما تجربي تفتحي ودايما مقفّل وفي نهار تفتحي الباب وانو ييه مين فتحه ضحك إنو  اتفاجأت كتير لأنو أنا كنت مفكرة هيدا الشي كتير موجع كرمال هيك منقول عالخط الساخن للجنسانيّة انو كتير عالم بتفكّر انو أوّل ممارسة جنسيّة كتير بتوجّع هو الجواب هو ما المفروض فعليّا اذا حدا مرتاح بس أكترية العالم مش مرتاحة وموتّرة ففعليّا بتوجّع أوّل مرّة

عايدة: كمان مش بس توتر قد ما انو لازم يصير هيدا الشي واذا ما بصير، اذا ما بيزبط في شي غلط كتير انو الموضوع  بحسّس بالتشنّج يعني، وفعلًا هيدي الفكرة الي ذكرتيها، شي فعليًّا كلنا أو أغلبنا فكروا أو عم بفكروا في، إنسلاخ هو فعليًّا بين الأفكار وبين وين منكون مثلا موجودين بدماغنا سياسيًّا الخ وبين أديش قادرين ناخد هيدا القرار بناء على كيف عايشين أو كيف عم يتصرّف جسمنا في معيّن الي هوي بالنسبة لإلي كنت فكّر انو بمجرد ما انو آمن انو العذريّة هي منّا شي مهم خلص جسمي رح يفتح، رح كون كتير قادرة أعمل ممارسات إدخاليّة رواق ويعني، كنت براسي هيدي هي الفكرة انو أديش بتهمني العذرية لهيك متل ما ذكرتي ورد إنو كنت حس حالي مضطرّة برر بأوقات كتير لأشخاص اذا بدي فوت بعلاقات معن أو بدي نام معن او حيالا انو ليش انا هلأ ما برتاح او بعدني مش عاملة ممارسة ادخاليّة واضطر برّر لأنو أنا براسي، اي أنا كول متلك، بفكر متلك انو ما بهمني هيدا الشي، بس انو هيك هيك، وأديش انو بالنسبة لتجربتي طلع مرتبط أكتر، مش بأديش مآمنة بالعذريّة مش غلط بل أديش حاسة حالي انو ما رح إنأذى، او شوي ضامنة انو ما حدا رح يعرف، ما حدا رح يئذيني حسيت شوي وهيدي أكيد تجربة شوي موضوعيّة يعني انو كل حدا الموضوع بيختلف كتير عنن بس كتير بربطه بفكرة انو ليش عم برر بمحلات معينة ومضطروة انو برر وبيّن إني كول ومتفهمة و وكل هالحكي، وهوي انو كان في أسباب ماديّة عوامل ماديّة محسستني انو ما رح كون بأمان انو انت شو بدك تعملي يعني ما رح كون بأمان بغض النظر.

- كان في شي خصه بانو نحن ممكن نكون مقتنعين، وعبالنا نعمل هالشي، بس بنفس الوقت انا بالنسبة الي أدي انحشا باللاوعي تبعنا انو أمور معينة، انو مثلا أهلي ولا مرة حاكييني بالموضوع ولا مرة حتى قايليلي انو عندن توفع انو أنطر لليلة الزواج إنو، مش حاكيين بالموضوع من أساسه، بس هيدي ركبت بعقلي من ورا، انو انا هيك حسيت اهلي بفكروا والمجتمع حواليي بالوقت نفسه كان كتير في تأثير للتلفزيون بهي الموضوع يعني، ولا مشهد حاضرته بمسلسل لبناني أو عربي عن ناس بمارسوا الجنس الا بسياق انو في حدا عم بتخون زوجا او في حدا حبلت أو في حدا شرشحا بالمجتمع لأن حدا صورا ونشرن بمحل ما انتبهت أدي هيدا الرعب محطوط بعقولنا وبطلّع هيك إنو أوقات متل ما قلتي ليلى بكون هيك شي صغير متخبى ورا البرداية منشوفه بعبع كبير، مش عم قول انو هالشي ما ح يكون اله آثار ع كتير ناس بس انو بالوقت نفسه كتير بمحلات الميديا والمجتمع، بخوفوا من الموضوع بشكل انو عنجد ولا شي حضرته شي بقلبه في جنس الا وكان في شي وراه في شي كتير سيء ح يصير يعني ف اي هيدا الشي كتير اله أثر علينا نفسيا وعلى كيف منعمل تجاربنا.

ليلى: بفتكر باتخاذ القرار بحد ذاته هو صعب لأنو العالم يمكن ما بتحس انو عندا قرارات لأن بفتكر هيدا الشي أكتر يلي مخيف، انو تحسي ما عندك قرارات بس بدك تاخدي قرار، أو ما عندك القوة، بس عم تجربي تاخدي القرار الي ما عندك قوتا، الي ما عندك الشي الي بدافع عنّك بهالقرار لأنو فعليّا ردة الفعل يلي تنبهتي او الي نبهوكي عنعا قليل حتى لو عندك كلشي صعبة انو الواحد يستحمل هلقد عار ومجتمع وهيكي وشو ما كانو الماديات يعني، انو الآخر بعدك عايشة بين عالم، فهو النتيجة  كبيرة والقوة حدا يعمل الشي منا هلقد منا قد الخوف، الخوف أكبر، فهيكي فبحس هيدا الشي يلي يمكن بهيدا النوع من القرار في كتير خوف هيكي، متل كأنك عم تكبي حالك بالهاوية يعني انا ما بعرف شو ح يصير بس انا متوقعة اشيا كتير كتير عاطلة بس بفتكر ح اعملا، وهيدا الشي الي بفتكر فيو كتير قوة لو شو ما صار من بعدا لأن في كتير عالم يلي بترجع انو عادي بترمم او انو بتقطب الغشاء المهبلي او بتقطبا وبتحكي مع شريكا انو للمجتمع أنا عاملة للمجتمع بيني وبينك بس ح اعمل الشي اذا بحال حدا سأل والكل ما تقبلوا كلو عادي ورواق وما فيها شي وطز يعني اذا حدا بقلي هيدي فيها شي الكل بيعمل شو عايزين يعملوا كرمال يقدروا بتعايشوا مع الانفصام الي هوي المجتمع بس يمكن بس هيكي قد ما هو هيدا الشي هلقد بيعتبر مهم منفتكر كل العالم بتعرف انو بعد ما بصير في اغتصاب، أوّل شي بفكروا فيه هو ايمتى فيني رمم الغشاء المهبلي انو يا هني يا اهلن العالم الي جابوهن وهيدا الشي انو فيو قرار اكيد بس انو هلقد مهم، يعني اذا شي هالقد المجتمع متقبل إنو، حتى لو انتي ما اتخدتي قرار حتى لو كان في جريمة يلي صارت على جسمك مع هيدا وكلو رجعي رممي هيدا الشي لأنو هيدا أهمية وأولوية، وهون اذا انت ما اغتصبتي وما صار أي شي معك بتعرفي انو هلقد مهم الموضوع يلي حتى بحالة جرايم العالم بدا تخبيه وايس، كرمال هيك ما بتفتكر، في عالم كتير بتفكر شو هيّن هالقرار او انو شو كاجوال بس انو هيدا الشي عنجد الو قيمة مئذية ما حقول مهمة لأنو منا مهمة بس مئذيّة فهيدا السلسلة الي رح تصير عايدة، بفتكر رح نتسلى كتير

عايدة: حمستينا كتير يا ليلى عالسلسلة يعني ما حدا يلحقنا ويصير يبعتلنا كومنتس ورسائل انو وين الحلقة الجاية بس كتير في مواضيع عنجد يمكن شخصيًّا بحس انو نكتب ونحكي ع قصص تخطينا المحادثات او عأساس هول المحادثات انعملوا وخلصوا عأساس اذا وصلنا لمحل مآمنين انو العذريّة هي شي مش مهم، هي شي بينحمل ضد، النساء والأشخاص يلي عينوا اناث عند الولادة بشكل خاص فطالما فهمنا هيدي الفكرة فيعني إنو خلص عملنا شغلنا وخلّصنا وهيدا الشي بعتقد بيترك كتير أشخاص منّنا، وأنا منن بالماضي حيرانين ويمكن مستحين يسألوا عن هي الأمور مستحيين يحكوا بهي المواضيع، حاسين حالن انن كتير  لما بدن يفكروا عن أمور خصا بالعذرية لأنو منتعامل مع الفكرة طالما فكرناها وآمنا فيها كأنو خلص تخطينا العواقب تبعتا اذا أفراد معينين كانو قاعدين بجو قادرين ياخدوا هو القرارات منعمم هو التجارب الفرديّة على المجتمع بشكل عام فمهم دايما نضل نفكر بهي ال او عملية تفكير بهي الأمور وكيف فينا عنجد نفتح لبعض وانو نسمع ونتحدث ونفهم وندعم لأنو القرار بعدو صعب ولو وصلنا لمحل سياسيا حاسين انو عملنا اكتشاف كتير مهم عالعذرية بس بعدو القرار كتير صعب لأغلب الأشخاص يلي عايشة بالمجتمع لأن ما تغير المجتمع بعد.

عايدة: شكرا كتير لأنو كنتو معي بهي الحلقة وشاركتوا تجارب قيّمة عنجد ومتشابهة باختلافاتا لأنو يعني العواقب نفسا تقريبا، شكرا للمستمعين والمستمعات، انتظرونا بالحلقة الجاية من فاصلة. كان معكن عايدة زوزو، ليلى، جنى، سيلينا، ورد وما تنسوا  بليز ضحك