نص البودكاست:

مرحبا جميعًا عم إحكيكن من بودكاست فاصلة لمشروع الألف، معكن: عايدة، زوزو، ريم، ليلى. اليوم رح نحكي عن موضوع كتير مشوّق، "romance".

عايدة: ليش عم نحكي عن الرومانسية من بعد مرور شهر تقريبًا من شهر الحب؟ لأنه سئمنا. سئمنا الرومانسية أو ما سئمنا الرومانسية، في عالم عيّدت، عالم ما عيّدت. عالم أخدت هدايا، عالم أخدت gestures  كتير قوية ورومانسية. في عروضات كتير طلعت من أوتيلات ومحلّات الهدايا وكل هالقصص. وطبعًا منعرف هالشي مبني على مفهوم الرومانسية بس يمكن حلو هيك نبلّش شوي بشو منفكّر لما نسمع كلمة "رومانسية"؟

المشاركات: موسيقى، أغاني الحب الأحد بالليل على الراديو.

زوزو: عطينا أغنية، أي أغنية.

ليلى: اليوم كنت عم اسمع “ My All”  ل “Marieh Crarey”  *ضحك*  بتقول:

 “I'd give my all to have Just one more night with you”

عايدة: واو.

ليلى: كلو انتحاري.

عايدة: كل شي كل شي بس لليلة وحدة؟

ليلى: كل شي، Everything

عايدة: كل شي في صورة أوضح أو أكتر هيك رومانسية؟

ليلى: أكتر من الأغاني؟

عايدة: لا، هل في شي رومانسي أكتر من التضحية؟

ليلى: لا.

عايدة: شو منفكر أكتر لما نحكي عن الرومانسية؟

ليلى: ورود وشوكولا وهيك.

ريم: أنا حسب ما أنا فكرت فيها لما حبيت فكر فيها ككلمة هي إنو كل شي لطيف ممكن تعملي مع حالك، ممكن جو لطيف تعملي مع حالك، ممكن تاكلي بوظة لحالك بهيدا الجو الشتوي تحسي حالك إنو الله شو عم تعملي، تعبّي البانيو وتقعدي فيه، أي شي ممكن تعطيه لحالك ما بعرف كيف بدي سمّيه بس شي جميل، لحالك أو لغيرك.

عايدة: بس بتربطي الرومانسية كمان بعلاقتك مع حالك يعني مش بالضرورة تكون متعلقة بعلاقتك مع غيرك والأشخاص التانيين؟

ريم: إيه، أكيد. يعني علاقتك مع كل شي، بحسها نمط تفكير ونمط شي تعملي أكتر من إنو إنتِ بدّك عيد الحب لحتى تكوني رومانسية.

ليلى: حلو الواحد يعمل رومانس مع الذات وللذات.

نغم: ما بعرف أنا صعب يمكن عليي فكّر بالرومانسية كشي لحالو، عطول لمّا فكّر فيه بفكر فيه ك “dichotomy”  أو كثنائية، يعني الرومانس والجنس لأنه عطول في هيدي الفكرة إنو العلاقات العاطفية والرومانسية بتجي بمقابل العلاقات الجنسية وحتى لما نكون مثلًا مع أشخاص عطول بكون في تحديد هل علاقنا رومانسية؟ هل علاقتنا جنسيّة؟ هل التنين؟ فما بعرف ولا مرة فكرت فيها كشي قائم بذاتو يعني فيمكن عشان هيك ما عندي موقف واضح منا.

عايدة: كتير حلو الشي اللي قلتي، إنو الرومانسية هي الشي اللي يمكن العالم بتفكر فيه كشي صافي أكتر من الجنس، مقابل الجنس.

نغم: 100%، يمكن عطول بتتصور العلاقات العاطفية كشي يمكن عفوي بينما الشي الجنسي هو أكتر أدائي أو  Performative، أو يمكن هيدا كمان سبب من الأسباب اللي يمكن أصعب علينا إنو نسيّس الرومانسية بمقابل الجنس لأنو الجنس شي أكتر أدائي، ما بعرف إذا هيدا الشي مزبوط، بس إنو بحس إنو منشان هيك إنو أسهل علينا نفكّر فيها بهيدي الطريقة.

ليلى: بس الرومانس كمان أدائي.

نغم: إيه 100%.

ليلى: بإمتياز.

نغم: إيه بس بحس إنو بطريقة سهل أكتر، يعني إنو بتاخدني إنو بدّي فكّر فيها أكتر لحتّى تطلع معي بطريقة سياسية بمعنى إنو بدي إعمل مقاربة ما بعرف أديش بمحلها بس إنو، لما فكّر بالعمل الرعائي تبع مثلًا النساء عطول منقول إنّو نابع من محل عاطفي ومحل مشاعر، لهيك إنو نحنا يمكن منعتبره كشي عفوي منو نمط من أنماط الاستغلال مثلًا. بالمنطق ذاتو فينا نسيّس العلاقات الرومانسية اللي هي بين الشركاء مثلًا، بس يمكن بتاخدني وقت أكتر لحتى فكّك هيدي الأمور ما بتجي ما بتخطر على بالي بطريقة سلسة متل ما أنا عم سيّس أمور تانية.

ليلى: ايه، لأنه أصعب يمكن لأنه شي يعتبر حلو، متل شي إنو يعتبر متل مثلًا العمل الرعائي اللي بتعملوا النساء كأمهات مثلًا أو زوجات إنو هيك بيطلع نابع من حبّ، إنو فهونيك صعب إنو تشككّي بشي إنو المفروض بيطلع من محّل حب، بس بعده هونيك طالع شغل. بس الرومانسية ك Display، أو كشي كمان أدائي كمان ما حلّو يتشكّك فيه لأنه هو بحد ذاته المفروض يكون شي جميل يعني. يعني مثلًا متل كيف عبّرتعنه ريم، حلو أنا حابّة إعمل بانيو ورومانسي حالي. ما بدّي شّك أو سيّس البانيو * ضحك *. بس مضطرين صح عايدة؟

عايدة: مضطرين لما يصير في شخصين أو أكتر بهيدي المعادلة، لأنو عادة يمكن متل ما كنتِ عم تقولي إنو يمكن بينحط بنفس الخانة للمشاعر أو أمور متل الحنان أو اللطف، أمور شي عفوي شي طبيعي شي جميل إنو جميل تعملي للآخرين، بدل على اهتمام وغيره. بس أكيد إنو كمان فيه أداء وفيه شغل كمان بنفس الوقت لمّا يكون كتير معتمد خاصة إنو اليوم كتير بتعتمد الرومانسية على إنو تشتري قصص مادية وتعبري بأمور مادية أكتر من إنو أمور لطيفة عم نأديها لبعض، بس أكيد العالم عندن لغات حب مختلفة ممكن تكون لغة الحب تبعك إنو تقدمي خدمات للشخص اللي بتحبيه أو تعمليلو القصص إنو تساعديهن فيها أو ممكن تكون بقصص مادية إنو تشتريلن أغراض أو Whatever ، حلو الشي اللي ذكرتيه.

نغم: أنا اصلًا لإبني  على الشي اللي عم تقولوا، أنا هي يعني شكوكي بالذات هل هو عفوي أو لا، في حدا ما بعرف مين قال ما بعرف إذا في حدا ممكن بيتذكر، بقول إنو: "الأشخاص يمكن ما كانوا حبّوا لو هنّي ما تخبرّوا إنو في شي اسمه حب"، إنو ما بعرف  If it make sense أو لا بس ما بعرف إذا نحنا عشان ربينا أو سمعنا طوال حياتنا إنو في شي اسمه حب، وإنو مش بس سمعنا  عنه، حتى بطريقة إظهاره اللي منشوفها كأفعال نحنا بدنا نقلدّه بطريقة أو بس بدنا نعمله بس لنكفي استمرارية هيدا الشي اللي عم بصير حولينا واللي عم نسمع عنه. وكمان، متل ما ذكرتي كتير بيتعبّر عنو بطريقة مادية أوقات وهيدا شيل حالو بخلّيني إنو To take a step back، أنا يعني أي شي بخليني حس إنو النظام الرأسمالي عم يستفيد منّو بأي طريقة وعم يبني عليه، بخلّيني إنو To take a moment، وبخلّيني إنو آخد لحظة وفكّر إنو هل أنا عم إنخدع بطريقة معيّنة أو كيف عم انخدع؟ فمنشان هيك بس شوف إنو النظام الرأسمالي كتير بيستفيد من طرق، بحس حالي مجبورة إنو آخد لحظة وفكّر إنو كيف عم انخدع؟ هل أنا عم إنخدع بهيدي الفكرة اللي عم يروّج إلها النظام وكيف عم إنخدع؟

ليلى: بتعرفي شو تذكرت؟ ما بعرف بس إنو حسّيت إنو كتير جوّ إنو احيانًا بس لما فتّش على يوتيوب على "بلا ولاشي" الأغنية بيطلعلي "حب يساري" بلا ولاشي. * ضحك *. إنو بلا ما تطلبي شي منّي تعي نقعد بالفيّ *ضحك *، كمان إنو ما بعرف إنو أنا بتذكر Scrubs TLC  وبقول إنو حابة التنين * ضحك  *.

عايدة: هو كمان كتير بيتمسخروا على اليسارية إنو لما يقولوا ما بحتفل بعيد الحب والفالنتاين لأنو ما بدّو يجيب هدية *ضحك *.

ليلى: خلّي الستاندرد واضح. * ضحك *.

عايدة: توقعاتك بالأرض.

ليلى: فإنو حبيبي إنتِ وأنا سياسيًا متفقين إنو مفي هدية السنة.  *ضحك  *.

عايدة: إنسجام.   * ضحك  *.

ليلى: إنسجام فكري.  * ضحك  * يا الله.

زوزو: اللي قالته نغم عن إنو كيف لو ما قالولنا لو ما فرجونا كيف منحب ما كنا بلكي عرفنا أو ما كنا حبينا، بحس إنو تقريبًا كل شي بعملو  تقريبًا من ورا الأغاني اللي كنت إسمعها والأفلام. أفلام ما بعرف ما كتير، بس كتير الأغاني بحس إنو لو كان "روك" أو "بوب" إنو Chase the chase اففف until she falls for you

عايدة: فهو اللي كان بدي علّق عليه قبل إنو في عنا صورة معيّنة عن إنو كيف العلاقات لازم تكون وهيدا الشي اللي منفسره ومنحللو كرومانسية إنو المفروض تعملي أمور معيّنة أو تتعاملي مع الشريك أو الشريك بطريقة معيّنة، تكونوا عنفس النغمة بكتير أمور –هيدا إسمك نغم- إنو تفهموا على بعض بطريقة معيّنة وكمان إنو تداروا بعض بالطريقة اللي الشخص التاني بحبها.فشو هي هيدي التوقعات بالعلاقات؟ كيف لما نفكر بإنو حدا رومانسي بعلاقة عاطفية شو هي التوقعات الرومانسية اللي ممكن ننفكر فيها غير إنو حدا يجبلك ورد أو حدا يجبلك هدية أو عزيمة عسوشي؟

ليلى: شو يا عايدة؟ انفضحتي  * ضحك *، هاي فكرتك بالرومانسية، إنو عزيمة عسوشي *ضحك *، شو عاملة بعد البودكاست * ضحك *.

عايدة: دعوة مفتوحة لكل مستمع، اللي بيعزمني ع السوشي. * ضحك *.

ليلى: بس على هالنوتة، أنا كنت عم فكّر باللي عم تقولي نغم، إنو كيف ربينا على أفكار مثلًا شو هو الحب وهيك، بوافق "زوزو" إنو مثلًا الأغاني كيف والأفلام والمسلسلات وهيك. بس فعليًا بس هونيك كانوا عم يبيعوني الرومانسية *ضحك * وع الدعايات وعلى البانويات، بس بالبيت مثلًا * ضحك * ما قصدي شي * ضحك * بس فعليًا إنو ما حدا كان عم يبيعني فكرة رومانسية، كانوا عم يبيعوني إنو إذا حدا بدّو يحبك رح "يورومانسيكيك" * ضحك * بس إنو مش هيدا شي بضاين، هيدا الشي اللي بتعوزوا لتقدروا

 “Until she falls for you” متل الأغنية نفسها ذاتها إنو لحد ما تقطفوا *ضحك * أو ليصير في مشروع خطبة أو زواج شبعرفني، بعدن هي نفس الأداة هيدي اللي التقطوا حدا فيها بس ليزهقوا منكن بعد 20 سنة، رح تضطروا ترجعوا تعوزوها كرمال ما يتركوكن إنتوا والأولاد لحالكن كرمال ما تضطروا تعملوا العمل الرعائي وهيك، كمان هون بترجعوا يتعوزوا كارت الرومانسية إنو انتبهوا من إنو الرومانسية التي من أشخاص تانية اللي معقولة تسرق الشخص اللي بتحبوه كمان بعوزوها. فهي أكتر كأداة.

عايدة: مش شي طبيعي.

ليلى: لا، إنو كشي منو شي عادي بدوم أو بضاين. هو شي يستخدم كرمال غاية بشكل عام. هلأ يُستخدم، بسلّي *ضحك *، إنو  “No Regret”.

زوزو: بس إنو حسب شو هنّي الأدوات؟ إنو عم تحكي عن سوشي؟ عزيمة؟ ورد؟

ليلى: شو في غيره * ضحك *.

عايدة: رومانسية أكتر من ورد* ضحك *.

ليلى: إنو حدا مثلًا إنو يكتبلي أغنية أو يكتبلي قصيدة أو يغنّي تحت بيتي إنو ما بعرف يجي يفكسلي زواجي * ضحك* إنو رومانس "بدّي يااااكي" *ضحك * مثلًا إنو هي كل شي بينعمل تحت غاية الرومانسية في هون علامة استفهام إنو بصير "حلال" إنو ما هيدا رومانسي فإنو نوعًا مضطرين نتقبلوا كمان لأنو تحت رومانس فكل شي تحت رومانس في هيك النيّة الصافية، متل ما كنتِ عم تقولي نغم اللي هي منها نيّة جنسيّة، -مع إنو أكيد في يكون رومانسي بدافع شي جنسي مش غلط عادي رواق-  بس إنو دايمًا ببيّن إنو هيك شي صافي ونضيف حتى لو إنتِ ما بدّك ياه يعني إنو بليز حاج تمارسوا الرومانسية عليي مثلًا إنو أنا قول لحدا، فإنو لا "آيم رومانسينغ “ I am romancing”. إنو طب ما حب بس ما بدّي رومانس. فهو في شيب فتكر إنتِ كمان كنتِ عم تقولي نغم لما كنّا واقفين على البلكون كنتِ عم تقولي عن العالم اللي بينعرض عليهن الزواج بطريقة كتير كبيرة هادول اللي إنو جابوا البالونات كانوا  المول والكل بطل عم يتحرّك وبعدن الكل صاروا عم يطلّعوا بعدن صار في “” Fladh MOB??، بعدن نازل هيك "بانو" من الطابق التالت على الطابق الأرضي “Mariam will you marry me?” ومريم إنو "يا أرض انشقّي وابلعيني" * ضحك *، رح قول "إيه" بس إنو بدنا نحكي بالبيت من بعدها قصص كتير، هلأ بتشوف  * ضحك  *. إنو “You can’t say no” هيدا الشي كمان بالرومانسي بحبو إنو مفي مجال لحدا يقول: لا، ما كتير “Feeling it”

عايدة: هيدي "النايس غايز" اللي بيعملوها اللي بكون إنو هيدي Stereotype  تبع الشاب اللطيف دايمًا بيعملك قصص رومانسية وهيك مع إنو بخانة الأصدقاء وبتصيري إذا ما قبلتي هول المبادرات إنو حدا كتير لئيم، حدا عم يوقف بوّج شي هيك “fairy tail” ممكن تتحقّق بعدن، شي هيك كتير غريب. أنا عكسك ماما وبابا كانوا يضلّوا يبوسوا بعض ع الطالع وع النازل.  * ضحك *.فبحس حالي إنو هالشي كتير أثّر إنو منّي كتير رومانسيّة بس هول القصص الصغيرة اللي بتنعمل إذا بطلّوا ينعملوا بحس إنو في شي غريب، إنو...

ليلى: صعبة

عادية: إيه صعبة، إنو هنّي قصص بسيطة مش هلقد ...

ليلى: هيك بقولوا

عايدة: إيه. * ضحك *

ريم: أول ما شفت كلمة الرومانسية بلشت هيك إسأل الأشخاص اللي حوليي إنو شو بتعملكن؟ أو شوب تفكروا أو شوب تحسّوا أول ما تسمعوا هيدي الكلمة؟ نفس الأجوبة: ورود، شوكولا، شموع... كلنا منمطين الرومانسية بهاي الطريقة، يعني "رومانسية" يعني أوكي أحمر، ما بعرف ليش ما قبلت شوفا كل هادول، مش لأنو أنا المختلفة الواو بس ما بعرف حسيتها كلمة كبيرة هيك كلياتنا عايشين تحتيها. متل كل الكلمات ونحنا كل واحد عم بدوّر كيف بدا تعنيلو من جهة. بس كمان في كتير أحيان فكرة إنو "إنتِ رومانسية أو لا"؟ إنو: عفوًااا؟ * ضحك *

عايدة: هيدي متل شو برجك؟ * ضحك *.

ريم: إنو أوكي هاد الشخص مش رومانسي إنو بس هل هي تحديد يعني؟ هاي هي الفكرة إنو كيف؟ كيف بدنا نحدّد إنو هيدا الشخص رومانسي أو لا؟ ما هي الفكرة مش هيك. يعني هي مش طبع ولا لون شعر ولا...ما بعرف شو هي.

ليلى: بس بفتكر في عالم بتتوقع إنو هلقد في عالم رومانسية. بتعرفي يمكن السؤال منو هلقد غريب يمكن، بس غريب بنفس الوقت. إنو غريب نفكّر إنو في عالم إنو هني هيك في عالم إنو هني عندن طبع رومانسي. والمنطق بقول إنو إنتِ لا مع شخص أو بجو معيّن تحسّي برومانسية أو تحسي إنو إنتِ يمكن بدّك تعطي، هي إنو يكون حدا عم يفكّر أو عم يراعي شعور التاني. إنو نحنا نكون “Considered” إنو عم نراعي شعور بعض بدنا نعطي إشيا حلوة لبعض، حلو هيدا الشي حلو. فإذا هيدا معنى الرومانسية تمام، بس هاي أولًا منو تعريف الرومانسية بشكل عام. بس كمان في عالم بتفكر إنو في عالم إنو اللي هيدا طبعن، بحس إنو في كتير صفات كتير جندريّة أو أدوار جندرية على نساء إنو "هيدي شوي باردة" إنو مثلًا،  مش رومانسية. أو إنو هيدي كتير بتنغرم أو بتروح فيها مثلًا فهي عندها الأداء تبعها فإنو نقطة بالرومانسي أو إنو هي مثلًا ما بهمها هالإشيا لأنو هي كتير بتشتغل وهيك * ضحك * هو هي دايمًا بينشاف إنو، إذا منا رومانسية يعني إنو كتير عندها إشيا مهمّة.

زوزو: أو إذا منها مغرومة هلأ بهالوقت

ليلى: منها رومانسية. بس إنو لنفس الشخص الباردة هي رومانسية مع حدا تاني. فبصير إنو "والله ما فكرتك هيك"  * ضحك  *، كيف بس؟ فهو إنو يمكن بينشاف على طبع بس ما بينشاف على طبع على نساء اللي عندن يمكن أنوثة أكتر أو اللي أفكار بتجي أكتر متلاءمة مع فكرة المجتمع لفكرة المرأة شو أو دور المرأة كيف؟ كيف بدها تكون؟

عايدة: نفس الشي لما نقول إنو رجل رومانسي بكون يعني حدا عم يعمل أبسط القصص اللطيفة أو اللي فيها حنان تجاه شريكته.

ليلى: كان معها هي وعم تولّد، رومانس. * ضحك *

عايدة: عنجد هيك، إنو ماما كانت كتير تقول عن بابا إنو أوقات كان كتير يقوم يعملنا فطور إنو هيدا الشي كتير رومانسي، إنو أقل القصص اللي بساهموا فيها الرجال بأمور معيّنة بالبيت يساعدك بشي معيّن أو ما بعرف يشتريلك شلغة وهو حابس المصاري بإيدو مثلًا. إنو هيدي بتصير شي كتير رومانسي أو احتفل بعيد ميلادك. إنو ما بعرف إنو قصص... إنو بتحتفلي بعيد ميلاد رفقاتك * ضحك *

ليلى: بس إنو وضع النساء مزري بشكل إنو “no way, no way” * ضحك * إنو إذا أطعم أولاده إنو مين بدو يسيل من بعدك، خلص. إنت أو لا أحد. * ضحك *

عايدة: كيف الرومانسية بتأثر على التوقعّات اللي منتوقعها من بعض داخل العلاقات؟ غير الأمور المادية تبع الورود والشوكولا وغيره؟ إنو أمور كيف منتواصل مع بعض أو؟؟

زوزو: ليلى كانت عم تقول من شي نص ساعة إنو كيف إنو “grand gesture??” إنو كيف حدا بيسألك تتزوجي بالمول قدام الدني كلها، أو بالمطار، حدا ما بعرف شو ممكن يعملك.

ليلى: بيعمولها كمان بالمطار إيه.

زوزو: On my to do list، *ضحك * مفيكي تقولي لا، إنو مش معقول يعني عيب بس إنو بعدن منحي بالموضوع بس نرجع. إنو إنتِ سؤال بينطرح إلك شخصيًا، إنو إنت                               “you rewrite what romance means to you?” إنو إنتِ لإلك مش رومانس

 “is like...i want open communication?”

عايدة: فيكي تقوليهن بالعربي؟

زوزو: لا

*ضحك *

زوزو: مش إنتِ بتعيدي كتابة شو الرومانسية بتمثل إلك؟

ليلى: أيمتى؟ إذا حدا حطني بزاوية وحرج حالو وحرجني قدّام العالم، ما عندي وقت إكتب شي. * ضحك *. عنا وقت بس...

زوزو: مش رح توصلوا لهيدي المرحلة

ليلى: ما هي قصة الرومانسية إنو ما بتقرروا شو بدرو يصير. لأنو هي الرومانسية بحد ذاتها عندها طاقة عايشة لحالها، اللي هي بتغذيها مثلًا النمطية المغايرة اللي هي“hetero normality?” الإشيا يلي تُعتبر “normal” وطبيعي، فبتغذيها فعندها كل المصداقية وكل الشرعية من وراها. فكل شي ينعمل تحت عنوان "رومانسية" حلال وحلو وجميل وكل حدا بتقول لا يعني ما بتقدّر. * ضحك *. فأكيد نحنا منقدر نرجع نكتب شو نحنا منلاقي رومانسي ونرجع نحنا نعرفها. بس هو شي تعريف، قائم مبدئيًا. ما بفتكر إنو...أوكي إذا منا نرجع نكتب شو معنى رومانسية لإلَك؟ كيف بتعرّف عن الرومانسية بشكل منطقي أكتر أو بيطلع من هيدول الأنظمة اللي...

زوزو: آه لا، يعني أنا الرومانسية كل شي كتبوها  “arctic Monkeys??” * ضحك * حَفحَف. * ضحك *. المثل اللي إنتِ عطيتي عن التواصل، هو اللي لفتلي نظري بس إنو ما بفكر فيهن عادة إنو كيف أنا وعم برجع بكتب شو يعني رومانسية إلي وبعلاقاتي. بفتكر كانت عم تقول نغم إنو بتجرّب تفكّك هالأشيا بس صعب إنو الواحد يجي يفككّن يرجع يكتبن، بس إنو مش إذا الواحد عنده من قبل “certain set of believes” إنو سهل يمشي فيهن كيف بيتعامل مع العالم وعلاقاته، بلا ما يقعد إنو يفكّر فيهن.

ليلى: فإنو للشخص اللي نحنا معه إنو هيدي مش فكرتي بالرومانسية، بليز ما حدا يجبلي مثلًا سوشي أو electronics، بليز ما حدا يشتريلي Ipad  هاي مش فكرة رومانسية عندي. أو إنو نكون هيك، هيك قصدك؟ إنو نكون واضحين بفكرة شو الرومانسية لإلنا مع الشخص التاني هيك قصدَك؟ هيك التواصل المفتوح اللي كنت عم تحكي عنو؟

زوزو: إيه.

ليلى: إيه it works، أنا بحس إنو العالم بتعمل الإشيا الرومانسية اللي بتحب تنعملها، نفس الشي بالسكس الصراحة، بحس إنو العالم بتعمل الإشيا اللي بتحبها، إنو متل "اعملولي نفس الشي". * ضحك * رومانسيًا وجنسيًا. بس لا إنو بحس هيك رومانسيًا صح؟ إنو العالم بتعمل الإشيا الرومانسية اللي بتحس إنو حلو كمان، ما بعرف يمكن إنو هيدول الأفكار بتنبع من الإشيا اللي منتوقعها الإشيا اللي منحبها.

نغم: هي فكرة إنو بالذات نعمل للأشخاص شوم نتوقع إنو هني يعملولنا بالمقابل، هي يمكن بحدّ ذاتها بشوفها فكرة يمكن مؤذية لأنوب تتعدّى الإشيا الماديّة مرّات وبتاخد متل ما كنتِ عايدة عم تطرحي السؤال بلأول إنو شو الأشكال غير المادية اللي بتعبّر عن رومانسية؟ وكتير مرّات مثلًا بتاخد شكل إنو أحادية العلاقة. إنو إذا في شخصين متواجدين بالعلاقة هلقد حجمها العلاقة، يمكن فرد من اللي موجودين بالعلاقة يكون شايف العلاقة غير، وبالتالي الرومانسية بتحتّم على الأشخاص مثلًا إذا انا متوقعة من الشخص التاني اللي معي بالعلاقة إنو يبادلني أنا شايفة الرومانسية بالنسبة إلي نكون نحنا بس شخصين بالعلاقة، وبالتالي أنا بما إنو أنا

 “I am romantic” مع الشخص اللي موجودة معه بالتالي بتوقع منو إنو هو كمان تكون فكرته عن العلاقة نفس الشي. فبلاقيها مؤذية وهون التواصل بتخايل كتير مهم، بس كمان ما بعرف ما بحس إنو التواصل بهيدا المحل هو شيم نقدر نوصل لتنازل. أو ما بحس إنو هو شي ممكن ينحل بالمفاوضة، لهيك ما بعرف. لأنو بشوف الرومانسية إنو أبعد من القصص المادية متل إنو التوقعات مثلًا إنو في شريك واحد لكل شخص موجود

 “Which is a soul mate”، متل توقعات إنو إذا أنا بعلاقة مع حدا ومنحبن كتير و “we are romanting with them”، وفي مثلًا توقع إنو نحنا نكون صادقين معن 100% وإنو نحنا “our true selves” معن وهيدا الشي بلاقيه كمان توقع كتير عالي وصعب إنو نحققه للأشخاص، إنو بلاقيه هيدا من الأصعب الإشيا اللي أنا شخصيًا إنو بتشكلّي هاجس. إنو أنا إذا بدي حب شخص يعني بدي كون معن صادقة 100% وهيدا الشي يمكن أنا منّي قادرة إني اعمله، هل هيدا الشي بيعني إنو أنا منّي رومانسية 100% ؟ هيدا الشي بيعني إنو في شي ناقص؟ في شي أنا مقصرة فيه؟

عايدة: حلو كتير اللي عم تقوليه نغم. كمان إنو هني بدن يلبّولك كل الرغبات، إنتِ بدك تلبّيلن كل رغباتن. التوّقع إنو إذا الرومانسية وكل شي ماشي تمام، رح تضلّوا مع بعض دايمًا، رح تضلوا مع بعض كل الوقت، للأبد ما بعرف!. رح تفكري بالشخص، إذا ما بدك تفكري بالشخص كحدا بدّك تبني عيلة معه كمان، لازم تفكري ضمن صناديق معينّة لتحسّي إنو وصلتي قمة الرومانسية.

ليلى: إيه أو إنو بتفهموا عبعض ع الطاير، وإذا ما بتفهموا بعض ع الطاير وبتتوقعوا إنو يكون في نوع من يعني حديث أو تفاوض يعني هيدا الشي منو رومانسي، منّو حقيقي. معناتو إنو...

مش ماشي الحال.

ليلى: إيه يعني أنو الأفلام والأغاني وكل هيدول بتقول إنو ما المفروض العلاقات تكون صعبة، وإذا فعلًا في يعني هيك ثنائي زابط، لازم كل شي يكون كتير هيّن وسلس وإنو مفي تفاوض ومفي حكي. وهيد الجو الرومانسي بكون هو الجوّ الغالب يعني أكتر، لهيك صعب هيدا التوقع لأنو مش منطقي لأنو ما بفتكر واقعي كمان بكتير من المحلّات.

عايدة: مبارح كنت عم بحضر المقابلة مع "ميغان ميركل" والأمير "هاري".

ليلى: آه انسي تعول أوبرا  * ضحك   *

عايدة: رفيقتي عملتلي Download  على  CBS، اتذكرت السؤال اللي طرحته أوبرا على ميغان ميركل إنو كانت بالقصر طول الوقت محبوسة، سألتها إنو: ":حسيتي بالوحدة؟" وقالتلها: "إنو إيه أكيد، لأن كل الوقت كنت حاسة بالوحدة. فقالت لها: "حتى إنتِ وهاري معك؟".

ليلى: بالأخص، حسيت بالوحدة بس كان هاري حدّي. * ضحك  *.

عايدة: فإنو فكرة إنو الشخص اللي إنتِ معه بعلاقة رومانسية، طالما ما هو رح يملّي كل الفراغات عندك. مش بحاجة لأصدقاء، مش بحاجة لتشوفي عيلة أو أشخاص بتعرفيهن. تعتمدوا على بعض بشكل كلّي بهيدول الحاجات. إنو طالما إنت موجود نا ما بحس بالوحدة! إنو أنا بفكّر إنو...

ليلى: إنو هي بس معتقلة من ملكة بريطانيا، مقفلة عليها الباب قالتلها: "حسيتي حالك سجينة؟! مع إنو حب حياتك بنفس السجن؟" * ضحك  *.

عايدة: بعتقد في كتير عالم حسّوا بهيدا الشي بفترة اللوكداون والحجر الصحّي.

ليلى: بعدنا فيهن * ضحك *.

عايدة: إيه بعدكن عم تحسّوا فيهن * ضحك *. بالفترة اللي كتير الإجراءات تكون الصارمة للأشخاص اللي عايشين مع شركائهم، في كتير توقع إنو إذا عايشين مع الشريك تبعكن أو الشريكة تبعكن ما رح تحسوا بهيدي الوحدة اللي إنو أكيد كتييير أهون من إنو الحدا يكون قاعد لحالو. بنفس الوقت إنو الوحدة وتملاية الفراغ ما بتتعبّى بس بوجود شريك أو شريكة رومانسية. فهيدا التوّقع لحدا كامل بكل شي وإذا ما حسيتي بغير هيك يعني في شي ناقص أو في شي غلط. كتير مزعجة.

ريم: هو بعيدًا عن الرومانسية، هو التوّقع دائمًا التوقع إنو إذا ما صار الشي اللي نحنا دائمًا متوقعينه من هاد الشخص أو من هاد الشي رح ننصاب أو نحس بالمأساة، إنو يييه ليه ما صار شي؟! لا هيدا الشي موجود بتوقعك براسك مش ضروري يكون موجود بالمقابل، المقابل رح يجي من تفكيره من راسه من خلفيّات. مش رح يجي من شو إنت متوقعة يجي فيه. فهون إنتِ تصابي "بالفلشة". بس هاي الفلشة سببها إنتِ أو أنتَ مش أي حدا تاني.

عايدة: بس كمان هيدا التوّقع منّو جايي بس منّي شخصيًا هيدا التوّقع حطو المجتمع عليي. إنو المجتمع طول الوقت عم يراقب كيف نحنا نمارس علاقتنا الرومانسيّة، وطول الوقت في حدا عم يقلنا إنو: "آااه، ما عملتوا هيك؟ ممم. آااه! ما جبلك هيدا الشي، آاااه! بتحسّي حالك زهقانة؟". إنو طول الوقت عالم بدها تشكّك بأديش و بشو مصداقية هودي العلاقات لأنو هيدي التوقعات منا موجودة ففي ضغط على الأشخاص طول الوقت إنو إذا ما عملنا هيدول القصص ما منحب بعض كفاية.

ليلى: كمان اللي عم تقوله ريم، اللي هو: وإذا عملنا هالإشيا وما ماشي الحال، إنو تحسّي إنو كل شي تدهور حولك لأنو ما ماشي الحال، إنو في توقعات كتير كبيرة على العلاقات بشكل عام وأديه فيها تشقلنا (ترفعنا) من مأساة، واديه الشخص التاني أو الأشخاص التانيين بينشافوا إنو كنوع ما "المنقذ" بحياتك والحب والرومانس هيك بيجي  كمان بالأدب، بالأفلام والأغاني. شبعرفني...إنو شي بينقذك وهيدا الشي كتير جندري. إنو إذا حضرتوا Pretty Woman مثلًا... * ضحك *. الرومانس إنو: حدا بتشتغل كعاملة جنس بيجي حدا غنّي حلو –ريشار غيرد- كان يعتبر حد حلو حسب ماما- * ضحك * إنو للجيل الأكبر كمان جيلي، فإنو بيجي وبشيلها من شغل العمل الجنسي من رفقاتها وحياتها إنو تاخد مثلًا بيت وترجع على الجامعة وتلبس إشيا حلوة...شبعرفني. إنو هيدا كان تعريف الرومانس إنو شي بينقذك من مأساة. بس إنو لنطلع شوي من Pretty Woman، بفتكر اللي كانت عم تقوله ريم إنو إنتِ بتكبّي كل هيدول اللي عندك ياهن والمجتمع وبس ليجيكي رد تاني بتحسي إنو كيف صار هيك؟! وبفتكر إنو في نوع من ال Entitlement (أحقية)، إنو عندك نوع من هالفرضيّات إنو عندك: 1 2 3...إنو هيك المفروض الإشيا تمشي، وإذا ما صار الشي هالشي دمار، بس بنفس الوقت إنو نحنا معم نفكر الشخص التاني إنو في شي الرومانسية بالحب بهيدا النوع من الحب اللي ما بفكر بالشخص التاني، بس بأنا شو بدي. وبكّب هيدول التوقعات على الشخص التاني وبس. * ضحك *. وما بفكر إنو الشخص التاني عندن أفكار، إشيا بحبوها، إشيا ما بحبوها...إنو إنتِ بتمارسي هيدي الرومانسية على شخص أكان هيدا الشي موافق معه أو لأ، وبتتوقعي إنو لازم دايمًا يكون ناجح. فيمكن الشي يللي إنتِ بتعملي للشخص التاني منو رومانسي. أو ما بحبوا هالشي أو منو زابط معن. إنو غير، يمكن تستغربيها شوي أو يمكن ما بشوفوا الحب هيك، أو يمكن هيدا أكتر شي كان بدن ياخدوا من هيدي العلاقة وهني كتير مبسوطين بس ما بدن اكتر من هيك. يعني بصير حتى التوقعات إنو لوين نحنا بدنا نوصل لازم يكونوا نفس الشي. حتى لو متفقين ومبسوطين وعم ننبسط ويلا وهيك، شبعرفني... بس إذا ما وصلنا لنفس الهدف فإذًا نحنا ما كنا متفقين من الأول يعني مش مزبوط كمان بكذّب التجربة أو العلاقة كمان.

عايدة: هو بيرموا كحل سحري على كل شي إنو عالم زهقت بهالفترة، حدا مزوّج مدري كم سنة أو حدا من جديد مزوّج، مصاحبين وفي مشاكل...إنو زيدوا الرومانسية بحياتكن وهو بكون في مشكلة تواصل ومكشلة مدري شو ومشكلة مادية، مليون شغلة المفروض هيك الرومانسية تحسنّها وتبهّرها.

زوزو: كمان إنو الهدف إنو يكونوا هيك لحالن ويتزوجوا وكأنوا بشيل الشخص من مجتمعه ومن بين رفقاتو وبصير بحياة تانية، متل كأنو Level Up، إنو حياة جديدة. Which not always nice.

ليلى: بس كيف إنو قصدَك إنو في نوع من الإنفرادية بالحب وبالعلاقات؟

زوزو:  الهدف دايمًا بكون إنو إذا إنتوا مبسوطين سوا إذا هيدي أحسن علاقة، لو هيدي عنجد العلاقة تمام لكن انتوا فيكن تعملوا حياة سوا اللي هي حياة Typical إنو تتزوجوا وتجيبوا أولاد سوا  وتعملوا عيلة وتجيبوا كلب أو بسينة.

ليلى: يمكن إنو شوي في انعزال من الرفقة، اللي كانت عم تقوله عايدة كمان إنو هيدا الشخص بصير يمثّل كل شي بالنسبة إلكن، رفقاتكن وأهلكن، وكلابكن وبسيناتكن * ضحك *

عايدة: نحنا كنا عم نفرّق شوي بالطريقة اللي منفكّر فيها بالرومانسية كشي بيعني أمور مختلفة لإلنا، مع هيك في كتير أشخاص بالنسبة لإلها الرومانسية هي الأمور اللي تسوّق وتعلّب وتُقال أنها رومانسية بالمجتمع (بحبّوا الورود، بحبّوا الشوكولا... أنا كتير بحبّ الورود، بحبّوا القصص اللي بتنعمل هيك إنو مرقت على الشغل تبعك وحطيتلك "تابروير" أكل وإنو في قصص لطيفة العالم بتحبّها. العالم اللي بتعمل هالقصص هل فينا نفكّر إنو نقدر نكون رومانسيين تحت نظام أبوي بيفرض هالأمور علينا بدون ما نكون نحنا مشاركين بإعادة هيدي الأمور؟

زوزو: فيني جبلها لحبيبتي "تابروير" أكل على الشغل بس كون عم برفض النظام الأبوي و it’s consequences أو لازم ما جيبي التابروير أو شو؟ السؤال لإلكن كلكن كلكن.

عايدة: بفتح مجال. * ضحك *.

ريم: بس هي الفكرة إنو الرومانسية مش إنو نحنا، ممم... الرومانسية هي إنو شو ما تعملي إنو أنا بحب هيدا الحدا سواء أمي أو بيي أو أختي، فأنا بعمل تصرفات ممكن اشتريلن شي بحبوه، ممكن آخدن مشوار بحبوه، ممكن كون أنا وياهن على تواصل على تفاهم، نكون منقضي وقت حلو. فممكن هاي يكون اسمها رومانسية بعيدًا عن إنو والله هديتها هدية حلوة كتير وغالية كتير أو بتنهدا بهاد الوقت أو بتنعمل بهاد الشكل. هي حالة حب بتعبري عنها بطريقة ما، بشوفها هيك أكتر ما بشوفها شي ممكن إنو نحدّد. بعرف إنو في كتير إشيا بتحدّد شو ممكن نعمل وشو لأ. بس بحس إنو لازم من جواتنا نبطّل نحدّد لحتى نبلّش نفرض أكتر نفرض عليهن إنو خلص. ما ضل في شي إنتوا ملقمينا ياه أو إنتوا معطينا ياه أو مخبرينا كيف بصير، اللي عم نحسّه عم نعمله.

عايدة: أنا مية سؤال على مقال درج من 4 أو 5 سنين كان اسمه: "هل النسوية تقتل الرومانسية؟" * ضحك *

ليلى: من أربع خمس سنين طلع هالمقال اللي عم تحكي عنه، والله أثّر كتير بس.

عايدة: كتير كان دارج، إنو النسويات شو بقولوا.

ليلى: مقال واحد وكيف درج على الانترنت؟ بينتسى تاني يوم بالشكل العام.

عايدة: في مقالات بتندرج، كان في مقال هلأ رح نرجعله وكمان هلأ عملوا مليون version  منو عن ما تحصرروا الرومانسية بعلاقاتكن العاطفية، خلوها كمان بعلاقات الصداقة وإلخ...

ليلى: آه حلو

عايدة: لهيك كنت عم إسأل إنو في أشخاص كتير بتربط الرومانسية بأمور معيّنة، أمور شهامة: حدا يفتحلك الباب، حدا ينزلك من السيارة...

ليلى: "ينزلك"!* ضحك *

عايدة: زوجك يحملك بالعرس يفوتك عغرفة النوم... *ضحك * إنو في أمور كتير إذا حدا رفيقتك قالتلك إنو بتحبها بتصيري تقوليلها إنو شوه الهبل شوه القصص إنو تنميطات جندريّة عن كيف الحب يمارس، بس لنفوت بموضوع اللي هو إنو منعرف الرومانسية كيف بالممإارسات بس بنفس الوقت متل ما هلأ عم نتحدّث إنو الرومانسية كتير بتتمثّل بأمور خدمات منعلمها للأشخاص اللي منحبن، حنان وعطف منقدموا كمان للشخاص اللي منحبن... فبالنهاية شو اللي بفرّق الرومانسية اللي بالعلاقات العاطفية مع حدا شريك أو شريكة من هول الخدمات وهول التعبيرات عن الحب والحنان اللي منعملها مع أصدقائنا أو صديقاتنا؟

زوزو: إنو أنا حبيت إنو ريم دايمًا بتحكي عن أهلها ورفقاتها

 “My besties” وهيك، دايمًا أنا إنو بس بفكر إنو الحب...بس إنو إيه ليه ما بجبلها وردة لبنت خالتي مثلًا؟ بعرف هيدا الشاب اللي عم تحكي معه... * ضحك *

ليلى: بس إنو عن نقص، إنو هو المفروض الشاب يعطيها وردة

زوزو: إيه، قام أنا جبتها محله لأن حبيت

ليلى: إيه كمان إنو كيف هيك؟ إنو مفيك تجبلها وردة عادي مش إنو بس إنو عم ينقصها ورود؟

عايدة: وقعت بالفخّ * ضحك *

زوزو: إيه صح

عايدة: إيه هو المتوقع دايمًا إنو الحدا اللي بحبّك بطريقة again "رومانسية" بين مزدوجين هو الحدا اللي مفروض يكون عم يلبّي هالقصص، إذا هالقصص ناقصة يعني...

زوزو:  طب إذا أنا جيتها بطريقة إنو شو بدّك بالحب، Love you أنا، عرفتي؟ بس إنو      without know، إنو different kind of romance

عايدة: بدك تسأل بنت خالتك. * ضحك *

ليلى: شو اسمها بنت خالتك لنعملها Shout Out  * ضحك *

زوزو: Follow me on Instagram * ضحك *

ليلى: بتعرفي بس... كتير بحكي عن عيلتي شي يوم إذا سمعوا البودكاست مصيبة * ضحك *، بس في إنو بتذكر إنو أنا وأختي كنا إذا سافرنا ورجعنا وهيك، كانت ماما دايمًا تجبلنا ورود تحطلنا ياهن بالغرفة إنو إذا رجعنا من سفر وصرلنا زمان، أو مثلًا إنو درسنا ورجعنا على البيت وهيك...دايمًا يكون في إنو بوكيه ورد مع بطاقة وهيك وكلمات بتبكي وتحطلنا ياهن بالغرفة، عاملة أطيب طبخة منحبها وهيك Customized  وكلو هيك على القد مدروس وكانت دايمًا أختي تقول إنو مستحيل بأي فترة بحياتنا نحنا ننبسط مع أي شريك لأنو ماما قد ما هي كتير Considered كتير بتراعي وكتير هيك محبّة وإنو "ملابايّة" * ضحك * وإنو هيك Super cool، وإنو بتفكّر إنو مثلًا ليلى اشتغلت كتير مبارح اتأخرت بالشغل فاليوم الصبح بدي قول للعامل الجايي يعمل الزجاج مثلًا ما يجي الصبح أو شي هيك... إنو هيدا النوع من المراعاة وهيدي المشاعر يلي صعبة أحيانًا تلاقيها بالشركاء. كتير صعبة إنو هيدا النوع من التخطيط لقدّام إنو مستحيل. كانت دايمًا أختي تقول إنو ولا مرة رح ننبسط مع حدا لأنو...

عايدة: ال Standard

ليلى: إيه ال Standard كتير عالي هو إنو كتير Considered ...

عايدة: هي الأم الحب الرومانسي الأول

*ضحك * ليلى: هيك أولك؟

عايدة: شكرًا فرويد. * ضحك * اللي كنت بقصده مش إنو ليه مفي يكون هالأمور موجودة بالصداقات وبالرومانسية، بل نحنا ليش عم نعمل هيدا الفرق؟ إنو ليش من الأساس لما نكون عم نعملها هاي الأمور مع رفقاتنا إلها معنى معيّن، لما نكون عم نعلمها مع شركائنا إلها طابع منسمّيه رومانسي؟ وهو طابع إنو بصير أحلى وأهّم ومقدّس أكتر... هيدا اللي كان بقصده.

ليلى: بفتكر ريم بلشت فيها هاي، صبتيها من الأول، مين قدّك

ريم: هيدي تبع إنو تكوني رومانسية مع حالك، هاي هي؟

ليلى: هلأ إنتِ حكيتي عن الذات بس إنو كمان في غير بس ما ضروري يكون شريك

ريم: إيه، لأنه أصلًا هي حالة، يعني هي حالة بتعيشيها لأنك إنتِ بدك توصلي وتتصرفي شي على أساسها. مفيكي إنتِ تكوني رومانسية مع حدا ما بتعرفي ولا بيعرفك، أو ما بيعنيلك أو ما بتعنيلو.

ليلى: هو حسب الأفلام الرومانسية بالعكس هادول الأشخاص اللي فيكي تكوني معن رومانسية! إنو حدا ما بتعرفي إنو يييي فجأة في "رومانس".

عايدة: وقع الشال، إجى لمّو، اطلعتوا بعيون بعض...

ليلى: خلص...يلي هو إنو في حسب مين المخرج فيكن رومانس، وإذا مثلًا كانت مخرجة يكون تحرّش جنسّي ما بتعرفوا *ضحك * إنو حسب...

عايدة: هيدا كان قصدن ب" هل النسويات تقتلن الرومانسية؟" * ضحك *

ليلى: آااه، إذا هيك صح. اتفقنا. *ضحك * منخرب رومانسية منجيب غيرها.

زوزو: ال outcome من العلاقة مع حدا “Romantically” معجبة فيه أو معجب فيك، إنو لو كان إنو سكس أو كان زواج وعيلة

عايدة: مش بعد في بيناتن؟ * ضحك *

ليلى: لا، يا مننيك يا بتصيري مرتي

زوزو: companionship، حب وحنان * ضحك *. إيه بس إنو ممكن يكون إنو الإشيا اللي بيناتن إنو             it it doesn’t matter, you know!”  “، إنو "companionship" إنو فيكي تكوني companionship مثلًا مع أهلك وأولاد خالاتك...إنو عايشين بالبيت وسوا و إنو تعيشوا community... شو بسموهن هيدول

Cooperatives...

ليلى: تعاونيات؟

زوزو: لا، إنو بيت كبير و...

عايدة: وفي شجرة عائلة * ضحك *

زوزو: مثلًا * ضحك *

زوزو: بس إنو “I feel like I want the part of the sex and the marriage” 48:16، إنو هيدا الفرق بين بعض ما هيك؟

عايدة: إلا إذا “Friends with benefits”

نغم: إيه كنت بدي قول إنو يمكن الفرق الوحيد بين إنو، أو إنو هيك بشوفها إنو الفرق الوحيد بين الرومانسية مع الأشخاص اللي منن شركائنا أو الأشخاص اللي هني شركائنا يمكن إنو هونيك الرومانسية بتكون أداة متل ما كنتِ عم تقولي ليلى بالأول، إنو بتكون أداة بتوصّل لشي. بينما هيديك بس تعبير عن الحبّ في يكون على شكل دائم، وإنو طول ما هي العلاقة مستمّرة بتستمّر هيدي التعبير عن الحب أو الرومانسية، بينما لما تكون مع شركاءنا بتكون إنو أكتر يمكن عم توصّل لمحل. وهيدي يمكن الصورة النمطيّة الكتير للرومانسية. ومعم بحكي هلأ عن الصورة اللي هلأ عم تتجدّد وعم نفككها وعم نعيد التعبير عنها، بس إنو صورتها النمطية الرومانسية مع شركائها ومع ال potential شركاء، هي أداة لحتى توصلنا لمحل probably الزواج أو العيلة، لهيك يمكن منختلف بالتعبير عنها.

ليلى: بوافق مع نغم. يمكن بس بزيد إنو بتوقع حتى مع العالم اللي منحبها ويلي منن شركائنا أو أي شي فيه من هالنوع، أو إنو أي شي رومانسي- جنسي، Combo-Fries  مع Pepsi on beside * ضحك *، بحس كمان هيدول في إلن غاية، يلي هي إنو أنا يكون في شبكة أشخاص بتأويني بحال في وضع صعب، بتسمعلي، إنو يقدمولي مثلًا نوع من الغطاء العاطفي أو فكري أو تسلاية أو هيدا...أو إنو أنا بعمل الإشيا لوطّد علاقاتي والمجتمع الصغير يلي أنا ببنيه حولي فأنا بعطي لأنو أنا بحب أعطيهن، بس كمان لأنو بدي ياهن يعرفوا إني بحبن كرمال كمان يضلّوا حدي. بس ما بحس هيدي، يعني بفكّر مثلًا: الجملة يلي هلأ قلتها، ما بعرّفها كرومانسية أبدًا، أبدًا، أبدًا. فكرمال هيك يمكن إنو ما منشوفها هيك مع إنو بعده أداة هيدا منشوفها إنو أداة كمان. يعني أنا هيدا يلي اللي عم عبّر عنه، هو أداة كمان كرمال شي حلو، كرمال شي بدي ياه بحياتي. بس الرومانس يعني بالطريقة يلي بينباع فيه أو يعني فعليًا بينباع فيه، أحيانًا بحسّه إنو فاضي شوي. يمكن والطريقة يلي بعامل فيها العالم يلي بحبها يلي منن شركائي هي نفسها الطؤيقة يلي بعامل فيها العالم يلي بحبها يلي هني شركائي، وفعليًا يعني هيدي ما بسمّيها رومانس كمان. فيمكن أنا يمكن ما كتير اُعتبر رومانسية بكتير طرق صراحةً، بس إنو هو بمارس نفس الشي. يلي هي إنو كيف فيني أنا حافظ على هالأشخاص بحياتي وبس. ورومانسية شي تاني. يعني إذا عم بعمل للعالم إشيا بحبها هاي رومانسية، طز1 سمّوها رومانسية شو بدي إعمل. * ضحك * بس إنو مش هيك. بس إنو بس لفكّر بالإشيا الرومانسية يلي مجربتها أو كنت فيها بحس هيك أحيانًا كأن وشي انزاد أو Extra Features

عايدة: بعتقد هيدي كانت خلاصة جيدة للحديث شوي عن التأمل شو الرومانسية بتعنيلنا مقارنةً بشو الرومانسية اللي بتنباع لإلنا أو تُعلّب لإلنا. كتير منحب نعرف آراؤكم يا مستمعين ومستمعات عن شوب تعتقدوا الرومانسية بتمثّل وكيف فعليًا فينا نعرّفها بسياق بفرّق بين تعابير الحب لما يكون مع شركاء عاطفيين وبين لما يكونوا مع أصدقاء وصديقات. شكرًا لأنو سمعتونا بهالبودكاست الطويل، منحييكن على الشجاعة، ومنشوفكن بحلقة تانية من بودكاست فاصلة. معكن عايدة، وكان معي: زوزو، نغم، ريم، ليلى.

عايدة: باي باي

ليلى: أكلنا سوشي؟ *ضحك *