اللاجنسانية هل الجنس مهم للجميع؟ 

 

 

موسيقى

عايدة: هاي أهلا وسهلا فيكن ببودكاست فاصلة من مشروع الألف. عنّا حلقة جديدة شوي منحوسة، أوملعونة ما بعرف شو السبب بالزبط. بس كل ما نقرّر نلتقي أو نخطّط لنعمل بودكاست عن "اللاجنسانيّة أو الـ"Asexuality" بصير في شي بالبلد، فمنتمنّى ما يصير شي. *ضحك* Stay Tuned.

اليوم معكن عايدة كالعادة، ومعي:

-عبير.

-جولز

-زينة.

 ورح نحكي عن اللاجنسيّة.

 *موسيقى*

إذَا اللاجنسيّة يُحكى عنها إنها يمكن نوع من الجنسانيّة، رح نفكّك هيدا الشي أكتر هلأ من خلال حديثنا. بس منفكّر فيها لمّا نكون عم نحكي عن سياق الحقوق الجنسيّة و الحقوق الإنجابيّة و الميول أو التوجهّات الجنسيّة بشكل عام، خاصة إنه لفترة كتير طويلة كان يُعامل مع إنه نحنا ما عنّا انجذاب جنسي أو ما عنّا رغبة جنسيّة أو إنه ما منحط الجنس بمحل كتير عالي بعلاقاتنا على أنه شي مرضي أو شي يجب علاجه وحلّه، إلخ... رح نكتشف من خلال هيدا البودكاست إذا هالشي صحيح.

عبالي بلّش معكن بس تفكروا باللاجنسيّة شو الشي اللي بيخطر عبالكن كتعريف. إذا بتحطّوا بسياق الرغبات أو الانجذاب أو السياسة أو مابعرف..

 -عبير: أول شي بفكّر فيه هو اللي دايمًا بجرّب وضحه للعالم هو إنوفي فرق بين الميول والممارسة، فاللاجنسيّة مش معناها إنو حدا ما بمارس الجنس منّو قرار إنّو أنا ما بدّي اعمل شي، هو مفي انجذاب. يعني مفي رغبة، معقول يكون في رغبة بالمطلق للجنس بس مفي رغبة لشخص معيّن. يعني ما فيه الشخص اللاجنسي يطلّع بشخص معيّن ويعرف حالو إنّو أنا بدّي نام مع هيدا الشخص. ففي كتير أشخاص لا جنسيّين بيختاروا إنو يمارسوا الجنس بس ما بكونوا عم يحسّوا بهيدا الانجذاب وفي شخص يختار إنو ما يمارس الجنس. في كل أنواع القرارات بس هو مش يعني القرار اللي بيعمل حدا لا جنسّي. هو إذا ف انجذاب أو مفي انجذاب. والشي الوحيد الي بحبّ ضحه للعالم إنو في فرق بين الانجذاب الرومانسي والانجذاب الجنسي، وفي عالم ما عندن ولا واحد أي لا انجذاب رومانسي ولا جنسي. وفي ناس عندن انجذاب رومانسي بس ما عندن انجذاب جنسي. يعني بدّن يضهروا مع حدا، بدن ينغرموا ويحسّوا بأحاسيس إنو الغرام وقت تفكّر بشخص وتحسّ إنو هيدا الشخص هو أفضل شخص بالعالم بدّ دايمًا قضّي وقتي معه، بس ما بحسّوا بالرغبة إنو يناموا مع هيدا الشخص. وفي كمان فرق بين إنو تقدر تشوف شخص وتقول إنو هيدا الشخص حلو ، إنو فيني اتطلّع فيه وشوف إنّو شكله حلو بس مش يعني إنهّو بعرف حالي إنّي بدّي نام معه. لأنّه في كتير أوقات بتكون عم تفكّر وانت عم تحكي عن شي وإنّوكل العالم حوليك عم يحكوا عن ذات الشي. مثلًا: الشخص اللاجنسي معقول يفكّر إنو العالم وقت يقولوا: "I have a crush on someone" قصدن إنو  هيدا الشخص حلو بقولوا إنو إيه أنا كمان بس بعدن بيكتشفوا إنو معم يحكوا عن ذات الشي. غير أشخاص عم يحسّوا ابعد من إنو آه هيدا الشخص حلو، عم يحسّوا إنو أنا منجذبة أو منجذب لهيدا الشخص وهيدا الشي منّو باللاجنساني.

وآخر شي إنو "اللاجنسانيّة" it’s a spectrum، مفي بس نوعين من العالم  من العالم اللاجنسييّن والعالم الجنسيين بقلب أطياف اللاجنسانيّة .  في الرمادي: "اللاجنساني-الرمادّي" اللي هو شخص معقول أوقات يحس بالرغبة بس مش كتير، بلكي إنو "it’s so rare" بحسها مرّ ة كل 5 سنين. في عدّة أنواع من اللاجنسانيّة وفي عالم أكتر وأكتر عم يطلعوا بتعاريف جديدة لهنّي شو بحسوا بس كل هيدا بينخرط بالـ "General Umbrella" متل العالم اللي دايمًا بيعرفوا إذا بحبّوا حدا بطريقة جنساني أو لا.  

 

-جولز: تعقيبًا على اللي كانت عم تقوله عبير في قصص كتير تفاصيل التفاصيل إذا بدنا نحكي فيها مجتمعيًا وحتى فرديًا الشخ بصير يفكّر إنو هل أنا عنجد لا جنساني؟ هل أنا جنساني؟ هل إذا بحّس بانجذاب تجاه هيدا الشخص كيف بقدر فرّق بين انجذاب رومانسي أوانجذاب جنسي؟ طب بلكي أنا حسّيت إنو كمان كتير مهّم أحيان نفرّق بين انجذاب جسدي وانجذاب جنسي، إنو في عالم في عندها العبطة، الغمرة، البوسة قصص جسديّة ما بتعنيلها إذا بدّي بوس حدا ما بتعنيلي أوكي صحيح "I feel passionately about them " لأنو بحبن بس إنو ما بتعنيلي لأنه ما بحس بهيدا الشي، إنو شو هي الكلمة؟

-عايدة: عرفناها *ضحك*

-جولز: إنو بدّي ياهن ما بس مش بالضرورة بدّي ياهن بالتخت، في يكون بدّ ياهن بالتخت  لنشيل التخت من المحتوى الجنسي أساسًا بس مش جنسيًا.حتّى العمليّة الجنسيّة كلها على بعضها بدنا نفككّها بدنا نفكّك الرغبة ونفكّك المتعة فيها تكون متعة جسديّة مش جنسيّة فيها تكون  متعة رومانسيّة عاطفيّة، هيدول كلن بحس فيه عليهن لغط أو عدم وضوح أو حتّى جزم هو أكتر شي بورّط الأفراد.

نفس الوقت في قصة ,وفكرة  إنو اللاجنسي ما عنده شريك،وإذا عنده شريك أو شريكة على الأرجح مش متفقين وعلى الأرجح إنو شريكن كمان لا جنسّي بينما فعليًا في أشخاص لا جنسيين هني "غير أحادّي العلاقات"، عندن كذا شريك، معظمهم أو كلهم ممكن يكون عندن عاطفيًا علاقات، أو جسديًا علاقات بس ما عندن جنسيًا علاقات. شو يعني جسديًا شو يعني جنسيًا؟ "It’s up to the person". متل ما قالت عبير إنو فكرة إنو أنا بدّي وفكرة شو يعني جنس؟  إنو إيه "إيه جنس" (بحماس)، إيييه جنس! شو يعني جنس؟؟! (باستغراب). هيدي اللحظة اللي بصير فيها شعور "طب شو يعني هالإحساس"؟ لما ما نقدر نفسرّهK لما ما نقدر نشرحه بعتقد هون بتوضح  فكرة إنو "لا جنسيّة".

وفكرة إنو نعرف  إنو في أطياف، فكرة الـ “grey A” أو الرماديّة الجنسيّة، وفكرة إنو آه إذا أنا صار بدّي يمكن مرّة كل فترة وفترة، هل معناتها أنا صرت لأنو دايمًا نحنا مننحط بخانات. "جنسي أو لا جنسي؟" "يلا نقّي" متل أي قصص تانية الـbinary system متل أي شي ثنائية، يلا بدّك أو ما بدّك يلا نقّي. لا فيه تقطع فترة يكن بدي اعمل أو ما اعمل it’s up to me  بس مش بالضرورة كون عم انحط بخانات، بالنهاية أنا اللي عم حس هيدي الأحاسيس وأنا اللي بحط حالي بهيدي الخانات. ما بعرف إذا عد في قصص تانية بس بحس التفاصيل إلها أهميّة بهيدي المواضيع. و It’s always case by case ، دايمًا القصص بتصير حسب الفرد.

 

-زينة: كمان بحس في مفهومين منغلبط فيهن وبين اللاجنسيّة ، الأول هو: اختيار الامتناع عن ممارسة الجنس. أحيانًا العالم بتختاروا لأسباب دينيّة وممكن لأسباب مختلفة. فبهيدي الحالة هالأشخاص ممكن يكون عندن انجذاب شديد لعالم بس هنّي بيختاروا لفترة محدّدة أو لفترة طويلة أو قصيرة إنو هني ما بدن يمارسوا الجنس. هيدا الشي مختلف عن اللاجنسيّة. والمفهوم التاني هي فكرة الخوف من الجنس، إذا حدا لا جنسّي بقول إنو منّو مهتمّ بمممارسة هيدا الشي بتصير العالم تقلوا إنو إنت عندك مشكلة لازم تروح تحلّها إنو انت عندك برانويا من الجنس مثلًا وإنو هيدا الشي لازم يتعالج. بحسش هيدول ثلاث مفاهيم مختلفين وكلن valid، قصص بتصير وموجودة.

 

-عايدة: الشي اللي ذكرتيه زينة كتير ذكرني بتجربة خاصة فيي، هلأ ما بدّي حطها بالسياق بس إنو “it’s a phase". في نوع من الراحة أحيانًا بإنو نستخدم ونقول إنو نحنا لا جنسانيين –ما عم عمّم هيدي التجربة أكيد هي جزء من طيف كبير من التجارب- خاصّة لما نكون مش مرتاحين مع فكرة الجنس أو بمحل معيّن ما بدنا نحط الجنس على مرتبة  عالية  بعلاقاتنا أو ما بدنا يكون موجود حتّى، ومنّو لأسباب إنو مش إنو بآمن إنو الجنس شي سيء أو عندي شي أخلاقي منه. أكتر إنو عنجد متعلّق بمشاعرنا تجاه الجنس بفترات معينّة إن كان فترات معيّنة أو إنو للأبد. بس شخصيًا حسّيت بكتير راحة إنو قول عن حالي" A-sexual" بمرحلة طويلة حتى من حياتي لأنو كنت حس يمكن مش كتير مضطرة برّر مع إنو يضل ينسأل أسئلة: ليه ما بتروحي عند دكتور؟ ليه ما بتروحي يعرف شو؟ فما بعرف إذا هيدا إلو محل من التعريف لمّا تكون علاقتننا مع الجنس هيك إنو "on hold to an extend" ما بدنا نتعامل مع شي يمكن عنّا مشاعر مؤذيّة تجاهه أو معم نلاقي إلو محل مهم بحياتنا. فهلأ تذكرت إنت وعم تحكي.

 

-عبير: عم حس إنو هلأ نحنا عم نفوت بتفاصيل كتير مهمّة بس إنو في القصص اللي نحنا منقول للعالم لما عم نعطيهن إذا بدك" the short version" وفي القصص اللي وقت منفوت فيها عنجد منحكي فيهخا بين بعضنا، إنو لا اللاجنسانية مش خوف ولا غضب، إنو أوقات ممكن حدا يفكّر إنو معقول إنتِ غضبانة من كل الرجال منشان هيك ما بدّك؟ منقلن لا! مش هيدا الشي. متل كل شي بالحياة ما فينا نعمّم في عالم معقول يكونوا عنجد حاسين إنو أنا قطعت بتجربة ما حبيتها وهلأ ما بدّي ما عندي رغبة. وهيدا الشي it’s valid, all feelings are valid" مفي حدا بيقدر يقول إنو لا لازم تروحي تتعالجي. فالفرق بالشخص شو بدّو، إذا الشخص حاسس بدّو يتعالج وهيدا الشي بدّو يغيره بحياته، أو إذا مبسوط بحالو وما بدّو شي يتغيّر.

وكمان بدّي علّق على شي كانوا عم يحكوه جوولز اللي هو فكرة الرماديّة ، إنّو نحنا منقول ما تقولوا للعالم إنو this is a phase وهيدا الشي رح يمرق ، لأنه خصوصًا وقت يكون العالم أصغر ببلشوا لأول مرّة يقولوا لأهلن إنّو أنا هيك، بصير الأهل يقولوا إنو آه حبيبي بعدك صغير، لمّا تكبر بتغيّر رأيك. منشان هيك منقول إنو ما تقولوا للعالم إنو  it’s a phase، بس في عالم اللي بفوتوا تحت الumbrella   إنو الرمادي، -وأنا بعتبر حالي وحدة منن- إنو إلي I go thru phases متل القمر، بشبّه حالي للقمر changes وأنا I go thru changes all the times.

-عايدة: كتير حبّيت التشبيه.

-المجموعة: ضحك.

-عبير: إيه من بعد ما قلتها حسّيت إنو كتير شايفة حالي إنو انا قمر *ضحك*، بس إنو هيدا أكتر شي it makes sense to me، إنو ليش عطول منجرّب نقول للعالم إنو نقّوا...نقّوا. ليش بدّي نقّي؟ ما فيني نقّي. إنّو في أوقات بحياتي ما بحّس بأي رغبة جنسيّة، ما بحس إنو بدّي رغبة.  ما برغب حتّى بالرغبة. وفي أوقات فجأة ما بشوفها بتجي بلاقي إنو فجأة إجيت. *ضحك* بكون صرلي خمس سنين ما بدّي شي بوعى فجأة إنو SHIT *ضحك*.

إيه وفي أوقات عندك حتى إنو  بحس عندي fluidity  أو الاتجاه تبع الرغبة بتكون مرّات ممتجهة عند الرجال، مرّات عند النساء، مرّات عند الناس الـ non binary، يعني حتّى أنا كيف بحس بجسدي وكل شي عم يتغيّر أصلًا، فما بحسّ بقى إنو لازم عنجد To pre-pointed it وقول إنّو أنا هيك. فهلأ وصلت لمرحلة بقول إنو أنا رماديّة، ومشاعري بتتغيّر. وsorry ما فيني قلكن قبل بوقت يعني، *ضحك*. حتّى وقت كون بدّي اضهر مع شخص بدي اعطيهن التفاصيل من الأول إنو ما بعرف إذا عندي رغبة، ما بعرف إذا رح يكون عندي رغبة، معقول إنو شي نهار فجأة قول هاي! عندي رغبة تجاهكن، بدكن نعمل سكس؟ بدكن نجرّب؟ *ضحك* أو بلكي فينا نبوس بعض وبعدن شوف إذا بتجي الرغبة؟ لأنو هيدا الشي كمان صعب إنو فسره للعالم لأنه أوقات ما فيني اعرف لحتّى بلّش. بدّي بلّش بوس الشخص بدّي بلّش المسه ، لأّن متل ما كانت عم تقول جوولز، أوقات بدّك تعبطي الشخص بدّك تلمسي جسده/ها، بس ما بتعرفي غذا رح يصير في رغبة. مرّات بتبلشي تعملي الشي وفجأة بتجي الرغبة. والمهّم هون كتير إنو الشخص التاني يفهم هيدا الشي وما يمارس ضغط، مش إنو آه هلأ بلشنا خلينا نكمّل. لا، لازم يكون نعطي مجال للعالم تجرّب قصص وبعدن تغيّر رأيها. يعني في كتير أوقات ممكن بلّش شي وبعدن قول Sorry, I am not feeling it ، إنو ما إجيت الرغبة.

 

-زينة: ذكرني حديث عبير بفكرة خصوصي بحس مع النساء اللي فيه هيدا الكاريكاتير مع هيدي الشخصية، واللي بصير في سخريّة منه إنو المرأة الباردة بالتخت، أو إنو انتِ صعبة وباردة بالتخت، بحس إنو هيدا كمان أحيانًا يستعمل بهالحالة إنتِ مشكلتك نفسيّة، إنو انتِ مشكلتك بتحاولي تستفزّي الحدا اللي معك.

-عايدة: fragile

*ضحك*

-عبير: حتّى بيّي قلّلي ياها.

*ضحك*

-عبير: في مرّة قعدني بيّي و it was very traumatic لأن ما حدا بدو هالحديث، قللي ليكي عبير صار عمرك إنو... ولا مرّة شفتك عم تضهري مع عالم، إنتِ ما بتحبّي السكس؟ إنتِ fragile شي؟ *ضحك* وأنا إنو يعني بابا هيدا الحديث منّو حديث بدّي اعمله معك انت يعني، sorry بس إنو none of your business.

 

-زينة: هيك صار في ارتياح فجأة بس عرفت إنو...دايمًا في هيدي الفكرة إنو أنا لوحدي بالعالم إنو مين في غيري بليز خبروني، فإنو it’s great to know إنواللي عم يحكوا عن الموضوع في عالم عارفة شو منحس بس نكون نحنا لا جنسيين، كمان أنا شخص لا جنسي و it’s like uhhh, is it really necessary?   *ضحك* Do we have to?

إنو دايمًا بحس في فكرة "طبيعي" و"مش طبيعي"، إنو الطبيعي يكون بدّك، مش طبيعي يكن ما بدّك.  خيّي مش ما بدّي بس أصلًا ما بيعنيلي بس إنو مش يعني عم انفر، متل ما قالت زينة مش يعني عم انفر من الموضوع بس إنو بكون هيدا التعبير والface تبع mehh، إنو والله ما بيعنيلي. What is it anyway? And sometimes when you do it, if you do it it’s pleasurable بس كمان بدّي فكّك يا جماعة بدّي فكّك:

  - pleasure

 Orgasm-

-  لذّة

- حاجة

- Desire

NEED-

بدّي فكّك، في يكون عندي Pleasure  جسدي أنا وهالشخص من دون ما يكون في أي شي جنسي، في يكون عندي حتّى لذّة جنسيّة إذا جربت ومارست، بس  فيها تكون بس ممارسة من دون يا خيي  desire تبعها ما تكون موجودة، في يكون في الـ  desire  وما أوصل للذّة، في يكون need  واعمل masturbation ، وكمان بينسأل هيدا السؤال تبع أديه شاغلين بالن فينا: " do you masturbate?" بكل الأحوال مش مشكلتك بس إذا بمارس العادة السرية بكون ايه I do, because it’s a need, it’s not a desire not a desire,. يعني:  if I get a a sex toy, would I have a desire toward it?    بسأل حالي هيدي الأسئلة لأنو الأسئلة اللي مننسأل عنها مش طبيعية ولا منطقية ولا بالعقل. ومتل ما قالت عبير فكرة إنو نلاقي شريك/ة يفهموا التراضي هيدي قبل أي شين ويكونوا على نفس المستوى من الفهم ويرجعوا يستوعبوا شو شرحنا الخاص لهيدا الموضوع والمحور لأن كل واحد عنده  شرحه الخاص. يمكن أنا أبدًا ما بتجي الرغبة عندي، يمكن تجي الرغبة فجأة، يمكن أنا تجي الرغبة بالشهرين، تلاتة، أربعة... خطر عبالي إنّو مرّة كنت عم قول عن حدا إنو سكسي إنو إيه بينشافوا حلوين وأنا  أصلًا  I am not attracted to men، ما بعرف شو توصيف الناس لـ "sexiness" ، بتعملي وحدة إنو : " كيف في تقولي عن حدا إنو إيه جذّاب وانتِ لا جنسيّة؟" *ضحك*، فإنو كتير نفكّك هيدي المفاهيم لأنّو نحنا يا جماعة بعدنا جوّا...جوّا.

-عبير: إيه أنا هيك كان قصدي بأول شي  وقت قلت إنو أوقات منستعمل كلمات بغير طرق، يعني أنا وقت قول أوقات إنو شخص سكسي بقصد بحبّ اطلّع بوجّو متل عم اطلّع بصورة، مش يعني إذا إجاني الفرصة إنو نام معه رح كون بدّي نام معه. يعني وقت اطلّع فيه بقصد إنو فيه شي حلو، بس مش معناها إنو في رغبة إنو تعمل شي.

-عايدة: مش يعني بينشال *ضحك*

-عبير: أو بينشال بس إنو حدا غيري يشيلو بليز، اتفضلّوا... بشجعكن شيلوه بس أنا ما حاطة حالي بالـcontext

*ضحك*

-عبير: وكنا عم نحكي كمان عن التراضي مع شخص لأنو هيدا الشي كمان، كان عم يقلي إنو إيه: "you have to give an enthusiastic consent، قلتلوا إنو مش ضروري يكون "enthusiastic" لأن أوقات أنا بكون عبالي نام مع شخص بس إنو ما بكون مش هلقد محمسّة، *ضحك* إنو yes  بليز شيلني دخيلك  ربّك شيلني *ضحك* مش ضروري نوصل لهالدرجة. فينا نكون إنو ليكوا زهقانين إنو تعوا نعمل شي *ضحك*.

-عبير: وكمان ذات الشي للـmasturbation لأن في مرّة عملت لائحة على التلفون كتبتها عن كل الأسباب اللي فيه الواحد يعمل masturbation   فيها وكان فيها قصص متل: موجوع راسي وما عنددي أسبرين، بدي نام، مدبرسة شوي... وكانت لائحة طويلة كتير بس بعدن خرب تلفون وراحت اللائحة، وهيدا شي كتير زعلني لأني حسيت إني كتير فخورة بكل القصص  والأسباب اللي كتبتن اللي معظمن ما إلها علاقة بإنو we associate   بإنو رغبة حدا. إنو منضل نقول ما تعمموا يا جماعة لأنو حتى تحت مظلّة اللاجنسانيّة في عالم  They identified as like sex in different وبالبتالي ما بتفرق معن. وأنا بفكّر فيها متل إنو أكلة أنا ما كتير بحبّها بس  إذا حدا طبخلي هي وحاطها قدّامي إنو أوكي باكلها. في ناس عندن Sex Repulsion  يعني إنو في قرف من الفكرة، ولهول العالم في قرف يعني عنجد لا ما فيني روح لهونيك، فلهيك منضل نقول إنو كل شخص عنده قصته وعنده طريقة وعنده علاقته باللاجنسانيّة ومافيك تعرف هيدا الشي إلا إذا حكيت مع الشخص.

-عايدة: رح ارجع حط شوي اللاجنسانية بسياق نحنا عايشين فيه، الجنس متوقّع دايمًا بالعلاقات متوقع إنو الأشخاص يكون عندن رغبة. وهو إذا بدنا نفكّر فيه هو أحد الأسباب الأساسيّة لليش في عنّا خانّة أو category اسمها "اللاجنسانيّة" اللي هو الشي معياري منفكّر فيه إنو الطبيعي نكون نحنا عطول عبالنا نعمل سكس، أو في معدّل معيّن لأديش نكون عم نعمل سكس ويكون عنّا رغبة، وإذا منفوت على غوغل منلاقي أعداد مختلفة من أديش لازم نكون عم نعمل سكس ومهيجين بالأسبوع أو بالسنّة أ مدري أديه. عم اتذكّر هلأ قصة وقت عملوا حبّة بتزيد الرغبة الجنسيّة عند النساء هيك شي اسمها الـ"pink pill" طلع آخر شي مضّاد للاكتئاب، هيدي الحبّة الفكرة تبعها إنو في كتير نساء باردين ومدري شو و ما عبالن يعملوا سكس ما بعرف لبيه *ضحك* كتير غريب الموضوع بالنسبة إلي *ضحك* عملوا حبّة وتمّ التسويق إلها على إنها بتعلّي وبتزيد الرغبة عند النساء. وبفكّر بكيف إنو في أشخاص كتير بينقلن إنو لمّا ما يكون عندن رغبة إنو يروحوا عند Sex Therapist وبينعطوا "تيسترون" بعتقد لأنو بزيد الرغبة الجنسيّة، فإنو وين فينا نحّط الغربة بهيدا السياق اللي بشوف عدم وجود الرغبة الجنسيّة أو خفّة الرغبة الجنسيّة على إنها شي غلط أو شي مرض؟

-عبير: بتضحّك الخبريّة إنو عم تقولي إنها طلعت حبّة ضدّ الاكتئاب لأن عادة حبوب الاكتئاب بخفّفوا الرغبة الجنسيّة حتّى  إنو في ناس بيضطروا أوقات يختاروا بين الرغبة الجنسيّة أو "رغبة الحياة"، إنو هيدي الحبّة بتخليني بدّي عيش بس ما بتخليني بدّي نام مع حدا. في كتير عالم بيسألو هل الموضوع متعلّق بالهرمونات؟ بيولوجي؟ بس ما بعرف ليه هلقد هيدا السؤال مهّم للعالم، إنو معقول لأشخاص تكونهيك وأشخاص تانيين ما تكون هيك ما بفتكر لكل العالم في سبب فينا نحط اصبعنا عليه ونقول هيدا هو السبب. بس حتّى لفكرة إنّو المرض، شو هوالمرض؟ هو شي " Socially Constructed" لحتّى غنو نعتبر هيدا مرض وهيدا مش مرض. في قصص كانت تُعتبر مرض وهلأ بطلّت مرض، متل إنو الواحد يكون مثلّي.

-عايدة: هيدا منّو مرض *ضحك*

-عبير: لااا! ما عرفتي؟! *ضحك*

-جولز: هلأ حسب عند مين لنتفق *ضحك*.

-عبير: إنو في عالم فيهن يقررّوا إنو يحطوها كمرض أو لا بس إنو عرفتي هيدا قرار ما بيجي  عشي بالجسم، مفيكي تدّلي عشي بالجسم ونقول إنو لقينا السبب ليه الشخص ما بدّو ينام مع أشخاص، خود هالحبّة بيمشي حالك. إنو منها هينّة في كتير قصص بتفوت بهيدي القصّة. وأنا لإلي شخصيًا ما بفتكر إنو كتير لازم نروح لهيدا الاتجاه، بفتكر إنو الجواب بكون هل هو الشخص عم يعاني من مشكلة بسبب هيدا الشي؟ هل عم يصعبلو حياتو بطريقة ما بدو؟ أو بحس إنّو هيدي الـIdentity تبعي وأنا بالعكس ما عندي مشكلة بل بحبّ إنو كون لا جنسي. بس كماان منفوت بقصة إنو هل نحنا عم نحس هيك لأنّه نحنا كبرنا بمجتمع ما بشجّع فكمان في هالصعوبة لأنه أكتر شي القصص اللي بتحكي عن اللاجنسانيّة بتجي من أميركا، بمحّل فيه الجنسانية شي كتير محبّب ومرغّب بحسّوا هالعالم ليه أنا هيك؟ ليه معم اقدر كون هيك؟ عم شوف بالأفلام وبالموسيقى وكل العالم عم يقولوا إنو إيه السكس حلو. بس نحنا عم نربى بمح ل ما كتير بحبّ السكس، عم نكبرفيه والسؤال هل أنا ما بدّي لأنّه أنا مقتنعة؟ هل لأنّه الأشخاص حوليي اقنعوني بهيك؟ أو هل أنا عنجد هيك؟ اللي صار معي رحت بـPhase على الجهة اللي كتير extreme  قصدًا، صرت نام مع كتير عالم قصدًا لأنّه ما كان بدّي الشي اللي عم يقللي المجتمع والدين اعمله. صرت بس هيك "to prove a point on host"، بس بعدن قلت إنو بتعرفوا ما كتير عم انبسط. Maybe I can stop now, I proved my point. نمت مع كتير عالم وصرنا عارفين إنو هيدا شي فيني اعمله. هلأ صار فيني روح على البيت احضر فيلم بوس البسين تبعي، حط بيجاما وخلص.

*ضحك*

-زينة: بس هي هلأ إنو نحنا صرنا عارفين في هوس بالجنس بالميديا وثقافتنا، الجنس فيها هو شي دايمًا حلو وpassionate ، ودايمًا منتظر ومترّقب وعلى بال كلّ الناس وكل الناس عبالها توصلوا. دايمًا بتحس إنو بمحل ما أنا لازم كون هيك، أنما ما فيني ما كون هيك. مع إنو صح غالبًا هالقصص بتكون أجنبيّة، والإشيا العربيّة بتكون نظيفة أكتر *ضحك*

-عايدة: أخلاقيّة أكتر *ضحك*

-زينة: بس إنو طبعًا ذات الهوس ولو أنه يُعبّر عنها بطريقة مختلفة من بعيد لبعيد. لابسين تيابنا بس إنو ذات الفكرة إنو منحب بعضنا.

-جوولز: على الفكرة إجا براسي هلأ فكرة كتير ضحكت عليها بين إنو بس ما لازم ما نعمل جنس، لازم نكون ما بدنا ويكون شي "طبيعي" إنو ما بدنا نمارس الجنس لأنّه إذا انتِ مش متزوجة يعني ما بتقدري تعملي سكس يعني ما لازم ترغبي بممارسة الجنس.  لمّا نحكي عن القصص متل الختان إنو تفاديًا إنو يصير عندها مشاعر وتعمل سكس فمنعملها ختان. بس لمّا هي تقرّر  ما بدّا أو تقول أنا ما بحّس بدّي هون بتصير المشكلة. لمّا تصير قرار بصير لا القرار بدّك تحملي مسؤوليّته، مفيكي نحنا منقرّر عنّك.

زينة: بعدن نحنا كل حياتنا هعم نقلها مفيكي، مفيكي تفكري بالشي، بعدن لمّا تتزوّج ومثلًا هي ما كتير عم تتفاعل مع هيدا الشي منحسسّها إنو الغلط منها وعم تقصّر. إنو شو هالـexpectation  اللي بدّا تصير بين يوم وليلة وبدا تصير ملكة الجنس *ضحك* ، وهي طول حياتها ما كان عندها الفرصة إنها تفكّر بهالأفكار.

-عايدة: ذكرتوني بشي، ما بعرف إذا وقت كنتوا صغار سمعتوا بالمقولة اللي إنو الوحدة ما بكون عندها رغبة بس لمّا تتزوّج أول مرّة بتعمل سكس، بتبطّل تقدر توقّفق *ضحك*

عبير: زوجها بيفتحلها عالم جديد متل علاء الدين *ضحك*

-عايدة: إيه إنّو هو خلص أوّل مرّة بتعملي سكس هو لمّا تتزوجّي وتاني شي إنو طبعًا أول مرّة بتوصلي للنشوة ورح يكون شي Amazing ورح تحسي إنو واو، شو كان عم يروح عليي. Probably not بس هي الـAssumption مش يعني إنو ما صار في نشوة بس هي ضلّت عم تتهيّج، هالشي شوي بشوفه غريب بالنسبة إلي.

-جوولز: هي عم تلبّي.

-عايدة: عم تلبّي صح، وهيدي فكرة إنو إذا وحدة مطلّقة أو أرملة بدنا نخاف عليها *ضحك* لأنه عرفت السرّ، متل حوّا عرفت السرّ، بدنا نخاف عليها. *ضحك*

-عبير: أنا حسيت بشوي تناقض من الرسالات لأن من العالم الأكبر بالعمر كانت الرسالة إنو إيه طبيعي يكون ما بدّك الجنس، الجنس هو شي بتعملي لأنك بدّك تنجبي أولاد وإضافة إنه الرجل بينبسط بالجنس. بس طبيعي يكون ما بدّك لأنه منّو شي هلقد حل للنسوان. بس العالم اللي كانوا من عمري الرسالة اللي وصلتلي إنو هيدا الشي لازم ترغبي فيه بس ما تعمليه، لازم يكون عندك الرغبة تعملي بس لأنه انتِ شخصيتّك كتير جديّة وانتِ بتآمني وبتعملي الشي صح، بتضبطي هيدي المشاعر بس ما بتعمليها. بس بكون بدّك. بس كنت قول للعالم اللي من عمري إنّو لا ما بحسّ، كانوا يقولوا: إنو عم تكذبي أكيد بدّك ما تخبّي عنّا قولي الحقيقة. ما كنت اتصدّق. كانوا يقولوا إنو: اوكي فهمنا إنو انتِ بتجننّي بس خلص قولي الحقيقة، مع إنو ما كنت بفتكر إنو هالشي بخلّيكي شخص أحسن إذا بدّك أو ما بدّك ب عنجد ما عرف عن شو عم تحكوا.  مرّة كان عندي واجب بأوّل سنة جامعة طلب الأستاذ إنو نشارك لحظة بحياتنا تعلمنا فيه شي جديد، خبرت قصّة إنو كان معي شاب بالمدرسة كتير شاب حلو وكل البنات بحبّوه، وأنا كنت حاسّة إنو هيدا أكيد شايف حالو وكان عندي فكرة هيك عنه. وف نهار كنّا قاعدين بمحل وصرنا نحكي وصرنا أصحاب وUnlikely friendship  لأن أنا بالمدرسة كنت كتير شخص “loser” وما كنت احكي كتير عالم وكنت weird   يعني، ما كنت متوقعة إنو لاقي كتير اشيا مشتركة مع عالم popular. اللي صار إنو الأستاذ حطلي علامة واطية لأن شاف إني ما كنت صادقة، قال كان لازم خبّر القصّة كلها إنو إنتِ انغرمتي فيه. *ضحك*  بس خبرته لا مش هيدي القصة، قال: مبلا  هيدي هي بس انتِ استحيتي وما تجرأتي تخبري الحقيقة ما رح اعطيكي العلامة الكاملة! يا زلمي ما كان بدّي ياه، لا بالقوّة بدّك ياه يعني مفيها تكون القصّة بس صداقة ما رح يصدّق. It can be very frustrating وقت تجربي تحكي عن شي والعالم يفكروا إنو انت بس عم تجربي تخبّي ومستحية.

 

-زينة: على فكرة انتِ هلأ عم تقولي "لأنّك مستحية" أنا بحاول اقنعك وبضل عم حاول اقنعك لأنّك انتِ هلأ ما عندك التجربة وخجولة لهيك ما بدّك تعملي سكس.

- عبير: إنّو إيه إنتِ بنت كتير نعومة ورقروقة بس إنّو معليه هلأ بتكتشفي.

-عايدة: رقروقة *ضحك*

جوولز: كتير بضكني الموضوع كمان بكيف بيربطوا كيف بتبيني شكلك ولبسك وحكيك وكل شي كامرأة، إنو كيف يعني إنتِ هلقد كتير مبينة بقوّة وبتلبسي إشيا بتبيّن جسمك وسكسي، ودايمًا حديثك بالجنس وانتِ لا جنسيّة؟ إنو انتِ شو فهمّك بالجنس؟ أنا أمّي هلأ إذا بتعرف إنو عندي partner بتخاف لأنه  بتفكّر إنو رح كون عم مارس معن الجنس، بس هي إذا بتعرف إنّي لا جنسيّة بتنجلط أكتر *ضحك؟* إنو حددّي بدّك مارس أو ما بدّك مارس؟ منرجع لفكرة  الأهالي إنو أديه بيضغطوا إنو ما نعمل، ما نعمل، ما نعمل وبس يكتشفوا متل ما قالت عبير بصير إنّو: Are you okay?

-عبير: أو ما بيفهموا، بقولوا آه لكن رفقة ؟ لا!  يعني  براسن الفرق الوحيد بين رفقة وعلاقة رومانسيّة هو الجنس. إنّو بحس إنو عنجد هلقد بس هي العلاقة الرومانسيّة لإلكن هي الجنس؟! إنو مفي غير قصص بتفوت فيها لإلكن، لأنه That’s a bit sad!.

-عبير:  كمان في فكرة إنو العالم اللاجنسيّة ما تهتّم بمنظرها كانّه الفكرة إنه السبب الوحيد لواحد يهتّم بمنظره إنّه ليجذب حدا. اللي هو منعرف إنّه كنسويّات صرنا قايلين ميّة مرّة إنّه We don’t dress like this for you. بس إنه معم تمرق الرسالة، إنّه فكرة إنو في كتير أسباب الواحد بنقّي يظهر بطريقة ما، إلها علاقة بإنت شو بتحّس تجاه حالك. كمان مش معناها تعملوا Assumption إذا شخص لا جنسي ما رح يثهتّم بحالو ما رح يهتّم بلبسه، ما رح يكون بدّو يلبس بطريقة غير عالم بشوفوها "سكسي". كمان كان في شي بعد بدّي قوله إنو في فكرة العالم بتحطها على اللاجنسيين إنو بدكن تجربوا لتعرفوا، كيف بدكن تعرفوا إذا ما جربتوها؟ ولا! مش ضروري. في كتير قصص ما منجرّبها بالحياة وبعرف إنه ما رح حبها. بعرف إنّي مارح حب نطّ من الطيّارة مش ضروري روح نط من الطيّارة لأعرف إنه هيدا الشي ما رح حبّه.

*ضحك*

*فاصل موسيقي*

-عايدة: من فترة على تيك توك كان في حدا عملتلن فولو وهني بيشتغلوا بالجنس ولا جنسانيين، ونفس الوقت كان في أشخاص عم يسألوهن إنّو كيف بتشتغلوا بالجنس وما عندكن رغبات جنسيّة؟ الفكرة إنّو عنجد العالم ما بتعرف أدّيش إنو في فرق، أديش في قصص عنجد منعملها لأنّه منحبّ نعملها ولأنه عبالنا نعملها والمثل اللي بالنسبة لإلي هو هيدا المثل: إنّو إذا كنّا عم نشتغل بالجنس، أساسًا بشكل عام يعني ما بعرف مين الناس اللي بكونوا عم يشتغلوا بالجنس وعم ينبسطوا فيه بكل تجربة يعني بالنهاية هو شغل كمان. مش كل مرّة منكون عم نعمل شي بالضرورة منكون عم ننبسط فيه خاصّة إذا فيه دافع مادّي بالموضوع ونفس الشي إذا بدّي حطها على العلاقات اللي منفوت فيها منلاقي إنو فيه هيدا شي بحسسن بشي حلو وعبالنات نحنا نعمل هالـ compromise   أو ما نعمله هيدا الشي بيرجع لكيف نوع العلاقة، هن عبالي نط شوي على فكرة كيف بتتقاطع اللاجنسانيّة مع أمور أخرى متل التوجّهاتالجنسيّة بشكل عام وأنواع العلاقات اللي منفوت فيها،إن كانت أحاديّة أو متعددّة الشركاء، إنو أكتر شي بينقال إنّو أوكي انتوا Asexual  هيدا بيعني إنو أوكي انتوا رح تكونوا مع كذا شريك لأن مفيكن تكونوا عم تظلموا الشريك اللي انتوا معه، فهل بتلاقوا في تقاطع بهيدي الأمور؟

-عبير: أنا anecdotally  يعني ما بعرف إذا فيه أبحاث أو دراسات عهيدا الشي بس لاحظت من القروبات الأونلاين وهيك، إنّو في كتير عالم لا جنسانيين وبيشتغلوا بالجنس، وبلكي لأنه أهين إنه يشوفوه كشغل إنو هيدا الشي أهون، لطلّع مصاري شي عم اعمله غير عالم عم يستفيدوا منه  بس إيه ما عندي مشكلة. وحكيتي عن تعدّد الشركاء أكيد في عدّة طرق العالم فيها يكون عندن شركاء وقت يكونوا لا جنسانيين. في يكون عنده شريك لا جنسي، وفي يكون عنده شريك جنسي بس ما عنده مشكلة، أو في يكون هو الشخص اللاجنسي ما عنده مشكلة إنّه  يمارس الجنس. أنا شخصيًا بحّب تعدّد الشركاء بس فقط لأن بحس إنو it takes pressure less off me يعني حتذى لمّا الشخص التاني يحس إني معم اظلمه أنا شخصيًا بحس إنو بحب اعرف إنو في غير عالم بحياة هيدا الشخص اللي بحبّه فيهن يعطوا هيدا الشي وأصلًا بحّب فكرة إنو مش شخص واحد في يكون كل شي لإلِك أو لإلَك. في يكون شخص عم يعطي شي أكتر Intellectual  ، في يكون مع شخص إنو أكتر عاطفيّة ، وشخص تالت يكون أكتر عنكن انجذاب جسدي. إنو بفكّر فيها متل ما بفكّر بالـfriendship تبعي إنو كل شخص من أصحابي المقربين بطلّع another side of me ، إنّو أنا بفرق شوي مع كل شخص انا قريبة لإلو. مع صديق/ة بحس إنّي بتحمّس احكي أـكتر عن هيدا الموضوع، حدا تاني بحس بدّي احكي عن موضوع غير، بصير أنا حتّى الطريقة اللي بحكي فيها غير واللي بعيش فيها هي غير من شخص لشخص، ليه ما فينا نعمل هالشي بعلاقاتنا العاطفية، بس هيدا It’s personal، بحس في كتير طرق للواحد يكون عنده علاقة رومانسيّة ناجحة، طالما في تواصل والواحد ما يكون خايف يقول اللي بدو ياه عن اللي فيه يعطيه واللي مفي يعطيه.

-جوولز: في شي كمان على اللي قالته عايدة عن إنو عبالي اعمل المتعة أو عالي حسّس الآخر بمتعة ، بس كشخص متعدّد العلاقات ولا جنسّي بكون عبالي كتير احيانًا مع افراد معيّنين من شركائي حسسن بالمتعة من دون ما كون أنا حاسة بأي شي. ففي فترة بتذكّر قطعت كنت عم فكّر إنو هل إذا عبالي حسسها بالمتعة يعني أنا بطلّت لا جنسيّة؟ أو هي أنا شو عبالي حس؟ أو هي شو؟ بعدن لقيت إنو بتعرف شو متل إجري *ضحك* إنو ليه بدي اشغل بالي ؟ أصلًا مين رح يعرف أنا شو عم اعمل مع مين؟ تاني شي متل ما قالت عبير طالما أنا والشريك/ة حاكيين مع بعض وعارفين شو بدنا من بعض وشو متوقعين ومتفاهمين على إنو أنا هلقد بدّي منَّك هلقد بتوّقع، بعرف إنو دايمًا بصير في اشيا غير التوقعّات إنو ما رح تخرب الدنيا إذا حسستك بمتعة إو إذا عبالي حسسِّك بمتعة مين حامل الـ Check list تبعه وإنو آه أوكي نقلت هلأ فزّت على اللاجنسيّة ، آه هلأ فزّت للاجنسيّة إنو Fuck off. والمشكلة الأكبر عن شي كنّا عم نحكيه إنو بحّسش دايمًا الدراسات برّا حتّى إنو الأخصائيين الجنسيين والصحة الجنسيّة النفسيّة والنفسيّة في كتير لخبطة خيي. حتّى الـ DSM الكتاب التشخيص النفسي ما بيحكي عن اللاجنسيّة بيحكي عن البرود الجنسي اللي هو بالممارسة، وبالتالي مفي تفريق بين الممارسة والرغبة، مفي تفريق بين التشنّج المهبلي بالأوجاع والإشيا التانية فإنو روقوا اتنفسّوا فككّوا الإشيا تعوا نحكي فيهال وارجعوا. حتذى في كتير Therapist عم يحكوا مع الشبيبة إنو خدلك حبتين فياغرا بيمشي الحال! يا عالم منها قصة انتصاب، منها قصة ممارسة منها قصة تشنّج مهبلي هي قصة عبالي أو مش عبالي، وإذا رجعنا لهيدي إذا عبالي أو مش عبالي ميثن حط هيدي شو يعني شو مين حط هيدي التعريفات. بتعدّد الشركاء بينصدموا العالم إنو كيف يعني وانت لا جنسيّة؟ كيف عم تشبعيهن؟ أولًا مش واجباتي *ضحك*

-عايدة: كيوسك. *ضحك*

جوولز: تاني شغلة عندن الحريّة إنو يكونوا مع غيري، تالت الشغلة واللي هي الأهم التقاطعيّة بين الـOrientation   والـIdentity  وكيف بتأثّر، لأن بآمن إنه دايمًا علاقتنا مع الآخر بتأثر على الآخر وحتى هويتنا بتعمل هيك متل جوّ معيّن للآخر. بتذكّر متل قالت عبير بأول فترة كنت عم جرّب وجرّب وجرّب إنو بلكي بحّس بشي واوهم نفسي إنو مبلا عم تنبسطي يا بنت بعدن إنو Not really! معم حس بشي. بعدن إنو مبلا عم تنبسطي بس انا عم انبسط بهيدي اللحظة مش معناها إنو بدي ياها. ضلّيت 3 ساعات لصار بدّي شي وبس صار بدّي شي إنو بطلّت تعنيلي. فهيدي كمان عطيت مجال لشركائي ليفكروا شو يعني جنسيّة؟ إنو في حدا من شركائي هنّي هلأ مش مع حدا، صاروا هنّي عم يسألوا شو يعني جنسيّة أصلًا؟ ففكرة إشنو هيدي كيف بتأثّر على العالم إنو كيف لا جنسياتنا بتخلّي العالم بس يحسّوا بأمان كافي يتساءلوا أكتر عن الإشيا المجتمعيّة المحطوطة علينا حط. بإيماني إنو لازم نعطي الراحة للعالم ونبعد عنن الـ Performance pressure معظم العالم بتاكون بطيف اللاجنسيّة إلا العالم اللي كتير عبالها كلّ الوقت إنو mainly  ¾ بطيف اللاجنسيّة هيك بحس ما بعرف.

-عايدة: إذا عملنا proper sex education  إنو كنّا عم نعلّم العالم ثقافة جنسيّة زيّ الخلق العالم رح يكونوا منتبهين أكتر ومسؤولين أكتر، بس بحّس إنو العالم في جزء كبير منّا رح يحسّوا إنو أوكي هيدا اشلي مش لإلي. *ضحك* يمكن نحنا أوكي منّي مهتمّة لأنو عنجد في كتير غموض حول الجنس وكتير عدم معرفة حيال الجنس بتحسسنا إنو أكيد في شي كتير حلو نحنا بعدنا مش فاهمينو بدنا نجربه حتّى نعرف نحنا شو عبالنا . وعلى قصّة أخصائيين الجنس بمنطقتنا بحّس غايب عنّن فكرة اللاجنسانية أبدًا يعني عنجد بس بيحكوا عن قصة البرود إنو مش محمسّين يلّا كيف نحمّس الشريك أو الشريكة عشوي عم حسّ الموضوع بخوّف *ضحك* إنو بالغصب بدنا نحمّس الشريك والشريكة إنو في قصص بعد كتير أبعد من هيك إتنو نضوّي شموع وهيك *ضحك* I don’t think that’s it. ففكرة مفي حكي عن الموضوع من أشخاص they know their shit  كمان الفكرة بتحسّس بالارتياح زيادة عن إنو نفكّر ولازم نعرف اكتر ولازم جرّب واسأل وضيع أو عيش مع حالي لأنه الواضح كل العام عبالها سكس يعني.

-عبير: أنا بحس إنو عن الجنس ه نفس الطريقة اللي بحس فيها عن الـ weed  إنو ليه هلقد في عالم بحبوها أكيد في شي معم افهموا بلكي لازم جرّب أكتر وأكتر بلكي معم اتنشّق منيح لجربقت لعشرين مرّة لقلت ما بفتكر هلقد بحبها *ضحك* بسأل حالي إنو في هعالم بتقول أحلى شي رحت على Trip فتح العالم قدّامي وأنا بقول إنو ممم...

-عايدة: من الـweed  بس؟

-عبير: إيه إيه، وفي عالم بتقللي إنو ما بتحّسي إنو هيك في عندك أفكار غريبة، وأنا إنو دايمًا أفكاري غريبة. *ضحك*، في قصص قد ما العالم بيحكوا عنها هيك بطريقة كتير إنو The best thing ever بتضلّي تجربي وتجربي لآخر شي تقولي إنو لا it’s not! Sorry *ضحك* ما عنذا ذات التجربة بهيدا الشي.

في قصص لاحظتها إنو في عالم وقت ينجبروا ينشافوا إنّو لا جنسيين وقت هنّي ما بدّن اللي هنّي العالم مثلًا ناصحين العالم اللي هنّي منّن normative اللي شكلن مش متل ما بيتوقّع المجتمع ، العالم ذوي الاحتياجات الخاصّة، العالم ما بيتوقعوا منن إنو يكون عندن احتياجات جنسيّة فهنّي بالعكس لازم يقولوا إنو بالعكس نحنا عنّا رغبة جنسيّة، شو بصير وقت شخص بكون واحد من هول الفرق وهو لا جنسي بصير في متل ضغط إنو هل أنا I am disappointing my community  إنو أنا هل بس My existence  عم خلّي هالفكرة تكون أقوى براس العالم إنو ها ما هيدا شخص من ذو الاحتياجات الخاصّة ما بدو جنس، إنو هيدا شخص ناصح ما بدو جنس، فبصير في رغبة متل إنو الواحد يقول لا بس أنا مش كل العالم اللي بيشبهوني. وهون الضغط اللي منحسه من إنو  to not confirm stereotypes  فيها تكون كتير قوية.

-عايدة: حتذى أنا كامرأة مماثلة للجندر بالفترة اللي كنت عم حس حالي إنو عم لاقي رلااحة بفكرة اللاجنسانية بنفس الوقت كنت عم حس بالذنب إنو فايتة أنا بدوائر نسويّة وعم احكي عن فكرة إنو كيف to reclaim الجنس كحق وبنفس الوقتعم قول للعالم ما بدّي شي بليز *ضحك* ، فإيه عنجد في هيدا الضغط حتّى ضمن الدوائر النسويّة اللي هو إنه في نوع من الإيجابيّة الجنسيّة أو الـ Sex positivity اللي ما بتاخد بعين الاعتبار إنو مش كل شي متعلّق بالجنس بيعني قوّة وتمكين، مش هيك كل العالم بتمشي إنو أحيانًا إيه أحيانًا في قوّة بإنو نكون حاسين حالنا مش ضروري نبرّرحتّى  نعطي حجج لليش ما عبالنا لليش ما بدنا، مش مرتاحين، مش شي مهم بحياتنا بهاللحظة أو للأبد، ففي هيدا الضغط وبتخيّل قديش بكون معقّد أكتر وقت يكون عندك إعاقات أو تكوني ناصحة أو تكوني whatever لأنه العالم بكل الأحوال لاعم يحاول يمسحح الجنسانيّة تبعتك.

-عبير: إيه في الواحد يكون عنده إيجابيّة للجنس، حتذى لو هو الواحد شخصيًا ما بدّو الجنس، في يقول إنو : yes you get sex, and you get sex… بس إنو أنا لا ما بدّي pass, you go girl أو  you go guy بس أنا ما بدّي . *ضحك*

 

*فاصل موسيقي*

-جوولز: 3 نقاط كمان بتجيني كأسئلة كشخص لا جندري دايمًا الناس بيربطوا إنو آآآه اللي ما بدو هوية عحالو يعني ما بدّو جنس؟ إيه لا، هي مش إنو مش مجمعين الـ A بالعالم والـ"لا" بالعالم وحاطينا إنو لا! *ضحك* أنا ساقبت إنو There is something that says : لا على جسمي دايمًا بقولولي إنو هيدي الـ trade mark تبعك؟ مجمعة كل الـ"لا" بالعالم؟ يا خيّي لا! *ضحك* إنو ساقبت ما بآمن بالجندر وما بحس بالانتماء لجندر ونفس الوقت ما بحس إنو عندي اهتمام بالجنس مفي عندي هيدي الرغبة. بس دايمًا في عالم عندن إنو آه منلزقن مع بعض لأن بيشبهوا بعض. كمان شغلة اللي هي فكرة الـ Kink، is kink sex or not?  مفيكي تكوني kinky  وانتِ لا جنسية.: شو يعني kink   بالعربي؟ لأن آخر مرّة شفتها كانت يعني شواذ.

-عايدة: إيه شواذ *ضحك* إنو هيدو الانجذابات اللي تعتبر بعتقد غريبة بالنسبة للمجتمع أو مش اعتيادية، انجذابات أو ممارسات ...

-عبير: آخر مرّة قلنا إنو السيطرة وال..

-عايدة: هول BDSM

-عبير: إيه BDSM KINK

-جوولز: إنو إيه في يكون بسياق مش جنسي، فيك تكون ناشط بهيدا الـ Community, type etc... من دون الجنس، لهيك كمان التوقعات بالمجتمع اللي هلقد بدنا نحطها شعار الانفتاح إذا مش عم نحكي عن مجتمع محافظ وبيتقبّل الإشيا هيدي بيتوقّع ربطها مع الجنس إنو كمان في ضغط على الأفراد بهيدا المنحى.

-عبير: انتوا عم تقولوا انو جمّعتوا كل الـ "لا" بالعالم أنا بحس إنو جمّعت كل الـ fluids بالعالم، كيف بقولوا fluids   بالعربي؟

-عايدة: مياعة؟

-جوولز: انسيابي

*ضحك*

-عايدة: أنا بالنسبة لإلي مياعة "آآه" *ضحك*

-عبير: إيه إنو انسيابية بالنسبة لإلي إنو الجنس والرغبة أو وين بتروح الرغبة  وكل هالقصص وإنو كمان ليه منّا نضّل نقول للعالمإنو لازم تكونوا متل ما انتوا من وقت كنتوا مراهقين لوقت عمركن 80 سنة؟ إنو الواحد وقت يكون مراهق ما رح يكون عنده ذات الرغبة وقت يكون عمره 40 وكمان غير قصص بتصير بحياتنا وبتأثر بالرغبة، إذا عندكن كتير stress بالشغل ومفي مساحة لواحد يفكّر، يعني إنو كمان بحّب إنو نعمل هالشي طبيعي إنو الناس تتغيّر إنو مش ضروري دايمًا يكون عنّا ذات الرغبات، وإنو الشي اللي منقولو هلأ اليوم معقول ما يكون صحيح  بكرا وهيدا مش يعني إنو كذبنا قبل أو ما كنّا عارفين حالنا قبل.

-عايدة:  هيدا الشي بتمنّى كتير عالم يكونوا فهموه أكتر بالفترة اللي بلّش فيها كوفيد-19 وإنو أديش في عالم صارت تحكي أكتر عن الرغبة الجنسيّة أديه شي غريب وأديه شي في يطلع من ايدنا واديه منكون مفكرين حالنا شي وأديش المحيط تبعنا بأثر على الجنس ورغبتنا بالجنس وعلاقتنا مع الجنس بشكل عام ىوصار يمكن شوي أسها على كتير عالم إنو يحكوا بالموضوع، بس إنو ما كان ضروري يصير في أزمة جائحة، وباء عالمي لشوي العالم تفهم أكتر شوي أديش رغباتنا شي مش موجود بالعدم، شي ما فينا نعمّمه على الكل.

-جوولز: طلع براسي فكرة إنو معليه نقول عنها Phases  ومش معليه لمّا ما تكون phase نقول عنها phase، يعني عادي تكون مرحلة وبتقطع إذا حدا عنده اكتئاب، إذا فرد حاسس حالو هلأ قاطع بمرحلة، إذا فرد عنده هلأ Dysphoria عم يحس هلأ إنو عنده تغيّرات بجسمه ناطر شي يمكن عبور معيّن لأن في أفراد ترانس بيقطعوا بهالشي، إذا عم ياخدوا شي دوا اكتئاب، إذا أي شي عادي تكون مرحلة وبتقطع، بس مش عادي قول لابني أو بنتي أو رفقاتي إنو إذا كانت هيدي مش مرحلة بحياتن قلن إنه هيدي مرحلة وبتقطع، كمان إنو في هيدي القصة إنو: هل هي مرحلة أو لا؟ 

-عبير: مش ضروري نحنا كمان نتسرّع لنعرف إنو إذا هيدي مرحلة أو لا، بعرف إنو صعبة وإنو نحنا بدنا نكون أكيدين لنعرف كيف نحكي مع الغير بس إنو معليه إذا هلأ مش أكيدين وبدنا هيك وقت لنعرف إذا مرحلة أو لا.

 

*فاصل موسيقي*

-عايدة: شكرًا كتير إنو هيك فتّوا معي بالحديث اليوم، الحمدلله منشكر الله إنو ما صار شي برّا *ضحك* ما صار شي أزمة برّا إلّا إذا صاير شي ونحنا قاعدين بقوقعة. انبسطت كتير بالحكي معكن، وشكرًا على الاستماع لإلنا إذا عندكن أي أفكار لإلنا أو أسئلة أو آراء قولولنا شو بتحسوا تجاه الموضوع، وإذا كمان عبالكن تفكروا بالموضوع أكتر مع أشخاص غيركن فيكن تدقوا أو تبعتوا واتساب للخطّ الساخن للجنسانية على: 76680620 ، يمكن! رح حطّوا على الحالتين بالكابشن من الساعة 5 للساعة 11 المسا، وإذا لأ في كتير مصادر موجودة أونلاين رح نقترح البعض منها كمان بالكابشن.

 

كان معي اليوم: عبير، جوولز، زينة وعايدة من بودكاست فاصلة لمشروع الألف.

*فاصل موسيقي. خاتمة.*